4-10 SÁ MARZO
SALMOS 16, 17
Kjoajnda 111 kao kjoabʼetsʼoa | Én xi sʼe̱tsʼiakaoni (1 min.)
1. “Jeobá, tʼatsi tínroani ngayeje je kjoanda”
(10 min.)
Nda sʼe tokoán nga kʼoati je Jeobá tjíosíxále je xi miyoná mani (Sl 16:2, 3; w18.12 26 párr. 11).
Sʼejngo tokoán nga nda tiyoaa ngixko̱n Jeobá kʼoa nga miyoná mani (Sl 16:5, 6; w14-S 15/2 29 párr. 3).
Nga je Jeobá tinixálee jé síkuindaná (Sl 16:8, 9; w08-S 15/2 3 párr. 2, 3).
Joni David, nda sʼe tokoán tsanda ñá nga je Jeobá nixálee nga̱ tʼatsʼe nroani ngayeje kjoanda.
TIKJAʼAITSJENJIN JEBI: “Jósʼin tisindaya yaona nga je Jeobá tisixále”.
2. Kjoásjaiyaa én xi nʼio chjíle xi nya Biblia
(10 min.)
Sal. 16:2, 4. Jósʼin tsabekon David je kjoatéxomale Jeobá kʼoa kao kjoafaʼaitsjen xi tsjoá, kʼoa ánni (w18.12 27 párr. 16).
Jméni xi koansjaino jña koanxkia Biblia xomana jebi.
3. Jña koa̱nxkia Biblia
(4 min.) Sl 17:1-15 (th kjoaʼmiya 5)
4. Katamali josʼin chja̱kaonajmí chjota
(1 min.) NGA XKI̱ NDʼIA ʼMIYASOÁN. Tʼailai je xo̱n xi si̱kʼabísoán nga kjoaʼaítsjenya Kjoabiyale Cristo (th kjoaʼmiya 11).
5. Katamali josʼin chja̱kaonajmí chjota
(3 min.) NGA XKI̱ NDʼIA ʼMIYASOÁN. Tʼailai je xo̱n xi si̱kʼabísoán nga kjoaʼaítsjenya Kjoabiyale Cristo. Kʼiatsa koa̱nndosinle chjota, kʼoatʼinlai nga jngo video koakolai xi Si̱kjaʼaitsjenyá je kjoabiyale Jesús ʼmi (th kjoaʼmiya 9).
6. Katamali josʼin chja̱kaonajmí chjota
(2 min.) TOJÑANI TITSOMAA. Tʼailai je xo̱n xi si̱kʼabísoán nga kjoaʼaítsjenya Kjoabiyale Cristo (th kjoaʼmiya 2).
7. Tʼinyalai
Kjoajnda 20
8. Tongini kuiyondalee nga kjoaʼaítsjenya Kjoabiyale Cristo
(15 min.) Kao je jtín chótʼayajin.
Kʼiaa nga taingo 24 sá marzo kjoaʼaítsjenya Kjoabiyale Cristo. Nga kʼoasʼin tsakʼéchjíntjainá Jesús yaa bakóni Jeobá kao Jesús jokji tsjoakená (Lu 22:19; Jn 3:16; 15:13). Jméni xi sʼiaan nga tongini kuiyondalee nga kjoaʼaítsjenya Kjoabiyale Cristo.
Kjoájinkoaan chjota nga katafaʼai nga kjoaʼa je discurso especial kʼoa nga kjoaʼaítsjenya Kjoabiyale Cristo. Kʼoétʼaxoaan ʼyáni xi mená nga kʼoakʼuínlee. Tsa je ska̱jiaan chjota xi xin ʼndele kʼoa tsa mele koai koaan ya kjoásjaiyaa ya jw.org jmé horani kʼoa jñáni sʼe̱jna ya ʼndele.
Ngisasa tse kʼuínyasoán nga sá marzo kao abril. Koaan precursor auxiliar sʼin si̱xá nga kui sá, tsa 15 kʼoa tsa 30 hora si̱kʼasʼeen.
Kʼiaa nga 18 sá marzo koaitsʼiani nga koa̱nxkia Biblia jñani faʼaitʼa jmeni xi kisʼin Jesús je xomana nga tokʼoatjínsa tsakʼejna i̱ Sonʼnde. Yaa página 6 kao 7 faʼaitʼa je “Texto xi koa̱nxkia nga kjoaʼaítsjenya Kjoabiyale Cristo nó 2024”. Ji xi síni jñánile xi kʼoéxkiai nga nyaon nyaon.
Nichxin nga kjoaʼaítsjenya Kjoabiyale Cristo, chótsenlai video xi sʼe̱jna ya jw.org nga koa̱nxkia je texto xi maxkia nga tanjio nga faʼaitsjenya Kjoabiyale Cristo.
Nga kjoaʼaítsjenya Kjoabiyale Cristo nda chjoéyai xi jekisikatío xále Niná kʼoa xi tokʼia kuichotítjon. Kʼoatʼinlai nga kʼuínyalai tsa jme xi skónangi. Kʼoatʼinlai kʼiáni nga koa̱n kʼuínchonlai ánni nga tosi tonda koa̱njinnile jmeni xi bakóya je Biblia.
Tikjaʼaitsjenjin jókji chjíle je kjoabʼechjíntjai nga tongini kʼoa nga jekjoaʼato nga kjoaʼaítsjenya Kjoabiyale Cristo.
Takui je VIDEO Si̱kjaʼaitsjenyá je kjoabiyale Jesús. Xijekoa̱n, chjónangi jebi:
Jósʼin si̱chjén video jebi nga kjoájinkoaan chjota nga faʼaitsjenya Kjoabiyale Cristo.
9. Nga chotʼaya Biblia
(30 min.) bt kjoaʼmiya 6 párr. 18-24 kao recuadrole página 48