1-7 SÁ ABRIL
SALMOS 23-25
Kjoajnda 4 kao kjoabʼetsʼoa | Én xi sʼe̱tsʼiakaoni (1 min.)
1. Jé Jeobá síkuindana
(10 min.)
Je Jeobá bándiaaná (Sl 23:1-3; w11-S 1/5 31 párr. 3).
Je Jeobá síkuindaná (Sl 23:4; w11-S 1/5 31 párr. 4).
Je Jeobá bakóyaná xi tʼatsʼe (Sl 23:5; w11-S 1/5 31 párr. 5).
Je chjota xi cho̱ koʼnda nda síkuinda barréle, kʼoati sʼín Jeobá nga síkuindaná.
TIKJAʼAITSJENJIN JEBI: “Jósʼin síkuindana je Jeobá”.
2. Kjoásjaiyaa én xi nʼio chjíle xi nya Biblia
(10 min.)
Sl 23:3. Jñánile je ndiaa xi tsʼe kjoakixi, kʼoa jméni xi koasenkaoná nga ya koanngínya ʼndeʼndee (w11-S 15/2 24 párr. 1-3).
Jméni xi koansjaino jña koanxkia Biblia xomana jebi.
3. Jña koa̱nxkia Biblia
(4 min.) Sl 23:1–24:10 (th kjoaʼmiya 5)
4. Katamali josʼin chja̱kaonajmí chjota
(3 min.) TOJÑANI TITSOMAA. Jngo textole Biblia tʼexkialai je chjota xi kui makjáojinle nga tíbitson je Sonʼnde (lmd kjoaʼmiya 2 punto 5).
5. Tʼinchón ngindialai
(4 min.) NGA XKI̱ NDʼIA ʼMIYASOÁN. Tʼinyalai josʼin ʼmiyaa Biblia je chjota xi tsakájna je folleto Koaan nda kuiyoaa (lmd kjoaʼmiya 9 punto 3).
6. Tʼinyalai
(5 min.) lff kjoaʼmiya 14 punto 4 (lmd kjoaʼmiya 11 punto 3).
Kjoajnda 54
7. Alikui je si̱sinlee jmeni xi tso je xi tsín ʼyaxkoaan
(15 min.) Kao je jtín chótʼayajin.
Je barré fitjenngile xi koʼnda kʼianga nrʼoé jta̱le tonga tsa kjaʼaí xi kuinchja̱le banga nga̱ tsín be ʼya xi tínchja̱ (Jn 10:5). Tikʼoasʼinni ñá, tojé Jeobá kao Jesús xi noʼyalee. Je Jeobá kao Jesús nʼio tsjoakená kuinga machjénni nga je si̱nʼiotʼaa (Sl 23:1; Jn 10:11). Alikui je kuinóʼyalee xi tsín ʼyaxkoaan xi síkinroajen kjoamakjainná kʼoa xi tobʼanachaná (2Pe 2:1, 3).
Ya capítulo 3 xi tsʼe Génesis kʼoatso nga je Na̱i kichokjákao Eva tonga likui tsakakó yaole tsa jeni. Kʼoakitso nga tsín kʼoatjín jmeni xi kitso Jeobá kʼoa chʼaosʼin kisikʼaxki̱. Je Eva kao familiale tsee kjoa tsakatiojin nga je Na̱i kinrʼoéle.
Kʼoakjoánti sʼín ndʼaibi je Na̱i, chʼaosʼin síkʼaxki̱ Jeobá kao naxinandále kʼoa énndiso kaníbason nga to jao katasʼe tokoán. Alikui koa̱n nga kui si̱siaan je énndiso xi kaníbason nga̱ nʼio tse kjoa kuiyojiaan tsa kʼoasʼiaan. Je Na̱i tojngo jao én kisichjén nga tsakʼanachale Eva (Gé 3:1, 4, 5). Tonga jósʼiaan tsa chʼaosʼin sikʼaxki̱ naxinandále Niná je xíngiaa kʼoa tsakui kʼoatsoni nga makjáojinle xi tʼatsaan.
Takui je VIDEO Alikui kui si̱siaan je énndiso xi kaníbason chjota. Xijekoa̱n, chjónangi jebi:
Jmé xi bakóyaná jokisʼin Coral nga kui énndiso xi sʼene naxinandále Niná kichokakóle je male.
8. Nga chotʼaya Biblia
(30 min.) bt kjoaʼmiya 8 párr. 1-4 kao recuadrole página 61, 62