27 SÁ ENERO–2 SÁ FEBRERO
SALMOS 140-143
Kjoajnda 44 kao kjoabʼetsʼoa | Én xi sʼe̱tsʼiakaoni (1 min.)
1. Jmé xi koa̱n sʼiaan nga jekabʼetsʼoaa
(10 min.)
Chʼa̱ʼén kʼiatsa kjoafaʼaitsjen kʼoainá (Sl 141:5; w22.02 12 párr. 13, 14).
Si̱kjaʼaitsjenjiaan josʼin tíbasenkaoná Jeobá kʼoa josʼin basenkao naxinandále (Sl 143:5; w10-S 15/3 32 párr. 4).
Kʼoasʼin si̱kjaʼaitsjeen josʼin síkjaʼaitsjen Jeobá (Sl 143:10; w15 1/3 20 párr. 2).
Ya Salmos 140 saʼnda 143 kui tsoya jmeni xi kitsole Niná je David nga tsakʼétsʼoale kʼoa nga kisitjoson jmeni xi kitso nga tsakʼétsʼoa.
2. Kjoásjaiyaa én xi nʼio chjíle xi nya Biblia
(10 min.)
Sl 140:3. Ánni kʼoakitsoni David nga jngoyale xánle ye̱ nyaʼa tsʼoa je chjota xi tsʼen (it-2-S 682).
Jméni xi koansjaino jña koanxkia Biblia xomana jebi.
3. Jña koa̱nxkia Biblia
(4 min.) Sl 141:1-10 (th kjoaʼmiya 12)
4. Katamali josʼin chja̱kaonajmí chjota
(4 min.) TOJÑANI TITSOMAA. Kʼianga jekabisenkoaa je chjota koaan kʼia chja̱kaonajmíñá xi tʼatsʼe Biblia (lmd kjoaʼmiya 3 punto 5).
5. Tʼinchón ngindialai
(3 min.) JÑANI NKJÍN CHJOTA TJÍN. Je chjota kʼoatso nga tsín ale (lmd kjoaʼmiya 7 punto 3).
6. Tʼeyanajmí josʼin makjainli
(5 min.) Xi faʼachoya. ijwfq kjoaʼmiya 21. Xi kuinchja̱ni: Ánni nga tsín tsjoáʼndesíni je testigole Jeobá nga njín xinyále (th kjoaʼmiya 7).
Kjoajnda 141
7. Tongini kuiyondaa jósʼiaan kʼiatsa toxijña tsʼe chjinexki kjuian kʼoa tsa jtíyaa
(15 min.) Kao je jtín chótʼayajin.
Je Jeobá kʼoatsoná nga koasenkaoná kʼiatsa “kjoaba tiyojiaan” (Sl 46:1). Nikjáojinñá kʼianga toʼi̱ma tsʼe chjinexki mangián kʼoa tsa kʼoakʼuínná nga jtíyaa. Tonga je Jeobá tongini síkatíondaná jmé xi koa̱n sʼiaan tsakui kjoa kuitjátojiaan. Je naxinandále tsjoáná je xo̱n xi binyakaoná, jolani je tarjeta DPA kao Tarjeta de identidada kʼoa tsa jmesa xo̱n xi koa̱nchjénná.b Kʼoati tjío je ndsʼee xi ya tjíojinle je Comité de Enlace con los Hospitales (CEH). Ngayeje jebi binyakaoná nga nitjosoán je kjoatéxomale Jeobá xi tʼatsʼe njín (Hch 15:28, 29).
Takui je VIDEO A tiyondañá kʼiatsa toxijña tsʼe chjinexki koanngínsoyoaa. Xijekoa̱n, chjónangi jebi:
Jósʼin binyakao je ndsʼee nga bʼénda je tarjeta DPA.
Jósʼin binyakao kʼa ndsʼee je xo̱n Información para mujeres embarazadas (S-401).
Kʼiatsa tsʼe chjinexki kʼuínsojnai, tsa jtíyai kʼoa tsa ya kʼuín jñani kʼoaili xki xi tsʼe cáncer, tjínnele kjitʼanangi kjoájinkuin je Comité de Enlace con los Hospitales ninga tsínkjoan njín xi̱nyáli.
8. Nga chotʼaya Biblia
(30 min.) bt kjoaʼmiya 21 párr. 14-22
Én xi fetʼani (3 min.) | kao kjoabʼetsʼoa
a Je ndsʼee xi jekisʼenngindá koaan sijéle tarjeta DPA je ndsʼee xi bʼakaole tsjoá ya jinjtín je xo̱n xi Énle Niná yʼangini. Kʼoa je xi xijchá ma koaan sijé Tarjeta de identidad xi koa̱n sʼe̱yole je xtiʼndíle.
b Kʼiatsa koa̱nchjénli tijélai xi chjotajchínga sʼin tjío je xo̱n xi ʼmi Información para mujeres embarazadas (S-401), Información para pacientes que necesitan una intervención quirúrgica o quimioterapia (S-407) kao xo̱n Información para padres cuyos hijos necesitan tratamiento médico (S-55).