15-21 SÁ SEPTIEMBRE
PROVERBIOS 31
Kjoajnda 135 kao kjoabʼetsʼoa | Én xi sʼe̱tsʼiakaoni (1 min.)
1. Jósʼin basenkaoná je kjoafaʼaitsjen xi tsjoáná je na̱ná
(10 min.)
Tʼinyalao je ʼndíxtino josʼin síkjaʼaitsjen Jeobá xi tʼatsʼe kjoabixan kao nga xínkjín fayokao chjota (Pr 31:3, 10; w11-S 1/2 19 párr. 7, 8).
Tʼinyalao je ʼndíxtino josʼin síkjaʼaitsjen Jeobá tʼatsʼe xán (Pr 31:4-6; ijwhf-S kjoaʼmiya 4 párr. 11-13).
Tʼinyalao je ʼndíxtino nga kʼoati katasʼín josʼín je Jeobá nga katabinyakao xi kjaʼaí (Pr 31:8, 9; g17.6-S 9 párr. 5).
2. Kjoásjaiyaa én xi nʼio chjíle xi nya Biblia
(10 min.)
Pr 31:28. Ánni tjínnenile chjí skoe̱kon chjoónle xi xʼin (w25.01 13 párr. 16).
Jméni xi koansjaino jña koanxkia Biblia xomana jebi.
3. Jña koa̱nxkia Biblia
(4 min.) Pr 31:10-31 (th kjoaʼmiya 10)
4. Katamali josʼin chja̱kaonajmí chjota
(3 min.) TOJÑANI TITSOMAA. Kʼia chja̱kaonajmí je chjota kʼiatsa je títjon nchja̱najmí (lmd kjoaʼmiya 5 punto 3).
5. Katamali josʼin chja̱kaonajmí chjota
(4 min.) NGA XKI̱ NDʼIA ʼMIYASOÁN. Kʼianga chja̱kaonajmí je chjota kui tichjain je folleto ʼMiyalee chjota ya apéndice A, jñani tso “Xi ngisa tsjoachaa nga ʼmiyaa” (lmd kjoaʼmiya 1 punto 4).
6. Tʼinchón ngindialai
(5 min.) NGA XKI̱ NDʼIA ʼMIYASOÁN. Kʼoatʼinlai je chjota xi tsakájna je Xo̱n xi Bájinkonná número 1, 2025 nga katafinrʼoé kʼianga sʼe̱jna je kjoanokjoaya xi tosʼa kjoaʼa títjon sá jebi (lmd kjoaʼmiya 7 punto 4).
Kjoajnda 121
7. Tinyakao je ʼndíxtino nga nda sichjén je celular kʼoa tsa tableta
(8 min.) Kao je jtín chótʼayajin.
Je xtiʼndí alikui tiñʼai manile nga síchjén celular kʼoa tsa tableta. Ningalani male síchjén, tjínnele kʼuínyale jmé xá sichjénni. Kʼiatsa xti tjínli, jósʼin kuisenkoai nga tsín tokui katasíkao ʼndeʼnde.
Takui je VIDEO Nda tichjain nichxinli. Xijekoa̱n, chjónangi jebi:
Ánni nga chósonnilee jókji tse chótʼaa je celular kʼoa tsa tableta.
Jósasʼin koa̱n si̱chjén je nichxinná.
Kʼianga kʼoakʼuínlai je ʼndíxtili jókji tse sichjén celular kʼoa tsa tableta, ya chʼa̱ngini je kjoafaʼaitsjen xi tsjoá je Biblia, ali tokuijin ʼmini josʼín je ndsʼee xi kʼoati xti tjínle (Gál 6:5). Tikjaʼaitsjenjin jebi:
Kʼianga celularna kʼoa tsa tabletana kotʼa je tiʼndína, a tiʼa síkájnani. A koaanle nda sichjén kʼiatsa kuilani sʼe̱jnale (1Co 9:25).
A koaan tsjoaʼndele tiʼndína nga celular kʼoa tsa tableta skótʼa kʼianga toje tíjna (Pr 18:1).
Jméni xi tsjoaʼndele nga koa̱n skótsenle kʼoa jméni xi mai (Ef 5:3-5; Flp 4:8, 9).
Jókji tse tsjoaʼndele je tiʼndína nga skótʼa celular kʼoa tsa tableta ánni nga koa̱nʼanile nga jmesa xi sʼin (Ec 3:1).
8. Xi machjénná i̱ jinjtín
(7 min.)
9. Nga chotʼaya Biblia
(30 min.) lfb kjoaʼmiya 18, 19