Tʼeyanajmílai xi kjaʼaí jmeni xi chotʼayai

Nda sʼe tokoán kʼianga chotʼayá je Biblia, tonga to ngisaa titsjoa sʼengániná kʼianga bʼeyanajmílee xi kjaʼaí jmeni xi majinná nga chotʼayá. Ya Proverbios 11:​25, itso: “Je xi tsjoánganʼiole xi kjaʼaí kʼoati kʼoainganʼiole”.

Kʼianga bʼeyanajmílee xi kjaʼaí jmeni xi chotʼayá ngisaa nda majinná kʼoa tsín ndi̱to̱n chajinná. Kʼianga kʼoanʼia, nda sʼe tokoán nga̱ ʼyañá nga kʼoati binyakao xi kjaʼaí jmeni xi bʼeyanajmílee (Hech. 20:35).

I̱ tʼiain: Kʼianga chótʼayai Biblia je xomana xi nroa tʼeyanajmílai xi kjaʼaí jmeni xi koa̱njinli. Koaan tʼeyanajmílai je xi xíngi mani, tsa jngo ndsʼee, tsa je chjota xi ñatjen nixái kʼoa tsa je xi ñatjen ʼmi skuela. Kʼoati koa̱n kʼoéyanajmílai je chjotandaindʼiali kʼoa tsa je chjota xi ska̱jin kʼianga kʼuínyasuin. Kʼianga chja̱kaonajmí kui én xi choa ñʼai tso tichjain kʼoa xi ngotjo koa̱njinnile.

Tikjaʼaitsjenjin jebi: Kʼoati binyakao xi kjaʼaí kʼianga bʼeyanajmílee jmeni xi majinná kʼianga chotʼayá (1 Cor. 8:1).