Je Jeobá kuitsomakoaa ngantsjai

1. Je Nʼainá nyaon nyaon kuimakoaa,

katasʼená kjoanangitokon.

Niná tse kjoanda bakóle

je chjota xi básjai ndiaa xi tsʼe.

Kʼoati títsjoáná je kjoanda

nga koa̱n kuiyotobʼaa ntsja.

Niná mená kʼoainganʼiolee

nga̱ jé tsakʼaitʼalee yaoná.

2. Nga jeme fetʼa nichxinbi

nga tjíosʼendajinle je chjota,

fitjenngikontraná chjota

nga tsín tisi̱xánilee Niná.

Je Jeobá tsjoáná nganʼiole,

kʼoasʼin kuiyotʼachrianlee.

Ngatsʼiaa je Niná si̱xálee,

nʼio tsjoacha katamaa ngantsjai.

3. Je Niná síchjén nganʼiole,

Biblia kao jtín nga basenkaoná.

Kʼoati tsjoánganʼioná nga nrʼoé

kjoabʼetsʼoa xi batioá nga jngó jngoá.

Tsa Jeobá kuimakoaa ngantsjai

koasenkaoná nga nda sʼiaan,

nga chjénngilee nga nda chjota,

nga sʼe̱ná kjoanangitokon.