KJOAʼMIYA 1

Jméni xi sʼiaan nga kuinóʼyalee je Niná

Kui Biblia síchjén Niná nga fákaoná (2 Timoteo 3:16)

Tjen ngʼajmi, je Niná chjotaa kisichjén xi kiski je Biblia

Je Niná chjota kisichjén xi kiski je én tsjele, kʼoa xo̱n xi tjítʼa én jebi Biblia ʼmi. Je én xi faʼaitʼa Biblia nʼio chjíle, kʼoa kui xi mele Niná nga kataʼyai én jebi.

Nʼio tse kjoachjine tjínle Niná kʼoa tojé xi be jmeni xi ngisasa nda sikatíoná. Kʼiatsa kuinóʼyalee, kʼoati chjine koaan tsanda ñá (Efesios 1:17; Lucas 11:28).

Nkjín Biblia xi kjaʼaí kjaʼaí én nroatʼa; jngo chjota tíbʼéxkia Biblia xi kui énle nroatʼa

Je Niná kui xi mele nga katabʼéxkia Biblia ngatsʼi chjota. Kʼoa je Biblia jenkjín én tíbitjo.

Kʼiatsa meli kuinóʼyalai je Niná, machjénní nga kʼoéxkiai kʼoa nga koa̱njinli jotso Biblia.

Nkjín mani chjota xi tjíonrʼoéle Niná jngo tjíjtsa Sonʼnde (Mateo 28:19)

Je testigole Jeobá jngo testole Biblia tíbʼéxkiale jngo chjota; kʼoa tsjoále estudio

Koaan koasenkaoli je testigole Jeobá nga katamajinli jmeni xi tso je Biblia.

Je testigole Jeobá kui tjíotsoya jngo tjíjtsa Sonʼnde jokjoantjínni xi tʼatsʼe Niná.

Nga tísʼejnale kjoajtín je testigole Jeobá ya Ndʼia jña chotʼayá

Alikui sikʼéchjíli nga kuitsoyali je Biblia. Kʼoati koa̱n kʼuín ya ndʼia jña kotʼaya kʼoa yaa koa̱nsali xi tʼatsʼe Niná.