ʼYáni xi ñaki Niná

Tojngo mani je xi ñaki Niná, kʼoa Jeobá ʼmi (Salmo 83:18). Je Niná yaa ngʼajmi tíjna, alikui koa̱n jchañá kao xkoaan. Je Niná tsjoakená kʼoa kʼoati kui xi mele nga tsjoacha katamaa tsanda ñá. Xi ijngosani, kʼoatsoná nga tsjoacha katamaa je xi ngikʼa (Mateo 22:35-40). Je Niná nʼio ngʼa tíjna kʼoa je kisinda ngayeje jmeni xi tjín.

Je xi títjon kisinda Niná jngoní ánkje xi kʼoati tse nganʼio tjínle. Ánkje jebi jéní Jesucristo. Je Jeobá kʼoati nʼio nkjínsa ánkje kisinda.

Jé Jeobá kisinda ngayeje xi tjín ya ngʼajmi... kao ngayeje xi tjín i̱ Sonʼnde (Apocalipsis 4:11)

Jé Jeobá kisinda ngʼajmi, sonʼnde kʼoa kao ngayeje xi tjín i̱ tʼanangi (Génesis 1:1).

Jé Jeobá kisinda je chjota xi títjon tsakʼejna i̱ Sonʼnde, xi Adán tsakʼin, kʼoa chaole nangi kisindani (Génesis 2:7).