Jméni xi koan nga kʼoasʼin je Na̱i kinrʼoéle Adán kao Eva

Je Adán kao Eva kʼien nga tsín kisitjosonle Niná (Génesis 3:6, 23)

Je Eva koankjainle jme xi kitsole je ye̱ kʼoa kiskine je tole yá xi tsakʼéchjoale Niná. Xijekoan, kitsjoale je Adán kʼoa kʼoati kiskine.

Jmeni xi kisʼin nʼio chʼaotjín, jée tsakajngi. Kʼoa je Niná tsakʼaonsjejin ya ʼndenaxó.

Nʼio ñʼai tsakatio je Adán, Eva kʼoa kao xtile. Koanjchínga kʼoa kʼien. Kʼianga kʼien ali tsa tʼaxinjin ki, ñaki jngokʼa tokoantsín.

Je ʼndíkʼien yaa mangóson je chao nga tsínle kjoabijnachon (Génesis 3:19)

Kuinga biyañá nga ntje̱le maa Adán kao Eva. Kʼianga jebiyaa alikui timatsenniná, alikui tinoʼyañá kʼoa alijme xi tinʼiañá (Eclesiastés 9:5, 10).

Alikui kʼoasʼin tsakʼéndajin Jeobá nga kuiyá je chjota. Jeme sikjaʼáyanile je ʼndíkʼien. Kʼiatsa sitjosonle Niná kʼianga jekjoaʼáyanile, koatio ngantsjai nichxin.