BIBLIOTECA Watchtower
BIBLIOTECA
Watchtower
énná
a̱
  • a̱
  • e̱
  • i̱
  • o̱
  • ñ
  • ʼ
  • BIBLIA
  • XO̱N XI TJÍO
  • KJOAJTÍN
  • lfb kj. 27 p. 68-p. 69 párr. 2
  • Chjota xi kisixíjinkao Jeobá

Tsín video i̱ página jebi.

Likui nda kjima je video.

  • Chjota xi kisixíjinkao Jeobá
  • Xi bakóyana je Biblia
  • Xi me tikui tínchja̱ni
  • Je yále Aarón naxó kinroale
    Je xo̱nna xi bʼéyanajmí jotso Biblia
Xi bakóyana je Biblia
lfb kj. 27 p. 68-p. 69 párr. 2
Coré kao chjotale yaa nya ngixko̱n Moisés kao Aarón

KJOAʼMIYA 27

Chjota xi kisixíjinkao Jeobá

Kʼianga jekoanni, nga tojo ya tjío ya ʼndekixí je chjota israelita, je Coré, Datán, Abiram kʼoa 250 chjota kisixíjinkao je Moisés, i kitso: “Jekichobenajin xi tʼatsaon. Ánni nga ji ngʼajko̱ tijnasínináijin. Ánni nga jésíni Aarón xi naʼmitítjon sʼin tíjna. Je Jeobá ali tsa tojonjin tjíokaono, ji kao Aarón, i tjíokaoná ngatsʼiaa”. Je Jeobá alikui kisasenle nga kʼoakitso chjota xokjoan. Kʼoasʼin kisikjaʼaitsjen nga je kisixíjinkao.

Je Moisés i kitsole Coré kao chjota xi ya tjíokao: “Nroao nyaon ya ndʼianajño kʼoa chʼao chxoa̱ʼíno kʼoa tʼekitsao xongó. Yaa koakoná Jeobá ʼyani xi kiskoejin”.

Kʼianga koannyaonni, je Coré kao xi 250 mani yaa koanña kao Moisés jña tíjna ndʼianajño. Yaa tsakaká je xongóle tojo sʼín je naʼmi. Kʼoa je Jeobá i kitsole Moisés kao Aarón: “Tinyaxinlao je Coré kao chjota xi ya tjíokao”.

Je Coré yaa ki ya ndʼianajño jñani tíjna Moisés. Tonga je Datán, Abiram kao familiale alikui ki. Je Jeobá i kitsole chjota israelita: “Titjoxinlao jñani tjío ndʼianajñole Coré, Datán kao Abiram”. Je chjota israelita kjitʼanangi tsakinyaxin. Je Datán, Abiram kao familiale yaa tsakinya ya nditsinle jñani tjío ndʼianajñole. Kʼoa toʼikoan tsakjan kʼoa kitjoxʼá nangi kʼoa yaa kitsaosʼen xi xíjin koan. Jña kijna ndʼianajño, jngo lʼí jaʼaijenni ngʼajmi kʼoa kisikjeson je Coré kao chjota xi 250 mani.

Je nangi kjimajaoyaa kʼoa yaa tjíotsaosʼen je Datán, Abiram kao yaniʼyale

Xijekoan, je Jeobá i kitsole Moisés: “Je xi tjíotítjonle ngatsʼi je ntje̱ katanroakao yánisele. Ya tʼetʼai yánisele nga jngó jngó jaʼaínle xi nyatítjon. Tonga je ntje̱le Leví, kui jaʼaínle Aarón tʼetʼai. Ya tatioʼyai ya ndʼianajño. Je yánisele chjota xi an skoéjian, naxó kuinroale”.

Kʼianga koannyaonni, je Moisés tsakʼasjee ngayeje je yánise kʼoa tsakakóle xi nyatítjon. Je yánisele Aarón naxó kinroale kao almendra xi jekoanjchá. Kʼoasʼin tsakakóni Jeobá nga je Aarón kiskoejin nga naʼmitítjon koa̱n.

“Titjosonlao je xi bándiaano kʼoa nangi tiyolao” (Hebreos 13:17).

Xi kjonangi: Ánni nga kisixíjinsíni Coré kao chjotale kʼoa nga tsín tsakʼaʼénnile Moisés. Jósʼin ʼyañá kʼianga je Jeobá kiskoejin Aarón nga naʼmitítjon koa̱n.

Números 16:1–17:13; 26:9-11; Salmo 106:16-18

    Xo̱n xi énná faʼaitʼa (2002-2025)
    Tʼechjoalai cuentali
    Titjásʼain cuentali
    • énná
    • Tikasénlai tsa ʼyani
    • Josʼin meli nga katamatsen
    • Copyright © 2025 Watch Tower Bible and Tract Society of Pennsylvania
    • Josʼin koa̱n koa̱nchjén
    • Josʼin sʼejnatjao én xi faʼainajin
    • Josʼin machjén jme xi betʼai
    • JW.ORG
    • Titjásʼain cuentali
    Tikasénlai tsa ʼyani