KJOAʼMIYA 1

Nda tʼetsʼiakoai nga kuinókjoai

Hechos 17:22

XI BAKÓYANÁ: Jmeni xi sí kʼianga kʼoétsʼiakoai tjínnele nga koa̱nndosinle je xi kjuinrʼoéli, kʼoasi jme xi kuinókjoani kʼoa ánni nga nʼio tjínnile kjoandosin.

JÓKOA̱N SʼIAIN:

Xi koa̱nndosinle chjota. Jngo kjoachjonangi chjoéjin, tsakuije̱ jme kjoa xi bitjatojiaan kʼoa tsa jmeni xi mandosinle je chjota.

Tongini tikjaʼaitsjain jmeni xi mandosinle je chjota kʼoa xi makjáojinle kʼoa kui tʼetsʼiakaoni nga tʼinyalai.
Xi kuinókjoani. Kʼianga sʼa kʼoétsʼiakoai katamajinle je xi tjíonrʼoéli jme xi kuinókjoani kʼoa anni nga kui kuinókjoani.
Kʼoasi ánni nga nʼio tjínnile kjoandosin jme xi kuinókjoani. Kui tinókjoani jme kjoa xi tjíofaʼatojin xi tjíonrʼoéli, tjínnele koa̱njinle josʼin koasenkao jme xi tisi.

Kʼianga tibʼendai jngo kjoanokjoaya, chjónangilai yaoli jebi: “Jmé kjoa xi tjíofaʼatojin je ndsʼee kao tichjaa ya jinjtín”. Kʼoa koaan kui tʼetsʼiakaoni nga kuinókjoayai.