KJOAʼMIYA 6

Ndasʼin tʼinyai je testo xi tsʼe Biblia

Hechos 17:2, 3

XI BAKÓYANÁ: Ali tojngojin testo bʼexkiai kʼoa ali nikʼantjaiyajin jme xi tisi. Katamajinle xi tínrʼoéli josʼin mangóson je testo xi kabʼexkiai kao jmeni xi kaʼmilai.

JÓKOA̱N SʼIAIN:

Tikʼaxki̱ jmeni xi nʼio tjínle kjoandosin. Kʼianga jekʼoéxkiai jngo testo, kʼoasi je én xi nʼio chjíle xi mangóson kao jmeni xi tiʼmiyai. Koaan nkjín kʼa kʼoasi je én xi nʼio tjínle kjoandosin kʼoa tsa maije̱ jngo kjoachjonangi tʼejnai xi koasenkao je xi tínrʼoéli nga katamajinle.

Kʼiatsa tsín ñaki kʼoéxkiai jngo testo, tsa tokʼoasí jotso, kuenta tʼiain nga nda katamajinle je xi tínrʼoéli josʼin mangóson je testo kao jmeni xi kaʼmilai.
Nkjín kʼa tikʼaxki̱ je én xi meli nga katasʼejinle je xi tínrʼoéli. Kʼiatsa kʼoasí ánni nga kui testo tinichjénni, kʼoati tʼinyai jósʼin mangóson kao jmeni xi kaʼmiyai.

Ali tokjoan bajnatjaojin je Bibliali kʼianga kʼuínyai jmeni xi tso je testo xi kabʼexkiai. Nga̱ je chjota xi tínrʼoéli kui singósónkao jmeni xi tiʼmilai kao jotso je testo xi kabʼexkiai.
Choa ñʼai sʼin tʼinyai. Tokuikjoan tʼinyai jmeni xi nʼio tjínle kjoandosin. Kuenta tʼiain jokji tjen machjén nga kʼuínyalai je chjota kʼoa jokji tjen jebe jmeni xi tiʼmiyalai.