KJOAʼMIYA 10
Jósʼin koasenkaoli tsa kʼuín je kjoajtín xi batío je testigole Jeobá
A jekʼin ñandiai je kjoajtín xi batío je testigole Jeobá. Tsa tosʼa kʼuíntítjuin, tsakui nichxin tsín nanda tso tokuin nga kʼuín, tsakui nichxin i̱si: “Jméni xi sʼín je testigole Jeobá kʼianga batiojtín. Ánni nga nʼio chjí beni kʼianga batiojtín. A kʼoati machjén nga kjuía tsanda an”. I̱ kjoaʼmiya jebi kui jchaa josʼin basenkaoná nga mangián je kjoajtín nga ngisa machriantʼalee je Niná.
1. Ánni nga batiojtínni je testigole Jeobá
Jngo xi kiski Biblia kʼoakitso ánni nga nʼio chjísínile nga biyojtián. I kitso: “Yaa jinle chjotankjín kʼoasjengʼa je Jeobá” (Salmo 26:12). Nichxin xi tiyoaa ndʼaibi, je testigole Jeobá kʼoati batiojtín kʼoa kui xi tsjoa báya kon. Jngo tjíjtsa sonʼnde, xki̱ xomana batiojtín je testigole Jeobá nga bʼasjengʼa je Niná, nga sele kʼoa nga bʼétsʼoale. Kʼoa nga xki̱ nó, kʼoati batiojtín jñani ngisa nkjín chjota maña.
2. Jméni xi sa̱kóyali tsa kʼuín je kjoajtín xi satío
Kʼianga satío je kjoajtín kui ʼmiyaná jmeni xi tso je Énle Niná (tʼexkiai Nehemías 8:8). Jchaní jokjoan je Jeobá kʼoa ngisaa koa̱njinsali xi tʼatsʼe. Kʼianga jchai nga tsjoakeli ngisaa koa̱nmeli si̱chriantʼalai, kʼoati jchai nga kui xi mele je Niná nga nda kuijnai (Isaías 48:17, 18).
3. Jósʼin koasenkaoli je chjota xi bichó ya kjoajtín
Je Jeobá kʼoatsoná nga si̱kjaʼaitsjenjiaan “xíngiaa nga jngójngoá, nga si̱nʼiojiaan xíngiaa, nga sʼe̱ná kjoatjaocha, kʼoa nga kʼoasʼiaan xá xi nda. Likui si̱kʼéjnaa nga koa̱nñaa” (Hebreos 10:24, 25). Tsa kʼuín kjoajtín jchaní nga nda fikao xínkjín je chjota xi ya bichó, kui xi mele nga koa̱nsale xi tʼatsʼe Niná. Kʼoa jmeni xi koa̱njinli yaa Biblia yʼangini (tʼexkiai Romanos 1:11, 12). Bichó toʼya chjotani kʼoa tsjoa tjío kon ninga kjoa tjíofaʼatojin. Tojngo jaola koya kanikʼaxkiaa anni nga menile Niná nga kuiyojtián.
KATAʼYASAI JME XI TÍNCHJA̱NI
Kataʼyala josʼin batiojtín je testigole Jeobá kʼoa ánni nga nʼio tjínnile kjoandosin nga koanngián kjoajtín.
4. Kjoajtín xi satíole je testigole Jeobá
Je chjotale Cristo xi tsakatio nichxin kjoatse tsakatiojtín kʼianga tsabexkón je Jeobá (Romanos 16:3-5). Tʼexkiao Colosenses 3:16 kʼoa cho̱bayaño jebi:
Jósʼin tsabexkón Jeobá je chjotale Cristo xi tsakatio nichxin kjoatse.
Nichxin xi tiyoaa ndʼaibi, je testigole Jeobá kʼoati kjitʼa batiojtín. Nga jchai jmeni xi ma kʼianga batiojtín, chótsenlao VIDEO. Xijekoa̱n, chótsenlao sén xi faʼaitʼa i̱bi kʼoa cho̱bayaño jebi:
Jósʼin mangóson jmeni xi tso Colosenses 3:16 jmeni xi ma kʼianga satío kjoajtín.
Tojosʼin kaʼyaa je video kao je sén xi faʼaitʼa i̱bi, jméni xi sasénli joma kʼianga satío kjoajtín.
Tʼexkiao 2 Corintios 9:7 kʼoa cho̱bayaño jebi:
Ánni nga tsín tao̱n bʼéñani je testigole Jeobá kʼianga batiojtín.
Chótsenjinlao jmeni xi sa̱kóya nga sʼe̱jna kjoajtín nga kui xomana.
Jméni xi ngisa sasénli xi kjoaʼa ya kjoajtín.
A ʼyaní
Yaa jw.org koa̱nsjaili jñáni kʼoa kʼiáni batiojtín je testigole Jeobá xi tjío jngo tjíjtsa Sonʼnde.
Kʼianga satío kjoajtín sʼe kjoanokjoaya, ʼmiyachoyaná josʼin kʼuínyasoán kʼoa sakóná video. Jngo kjoajnda kʼoa jngo kjoabʼetsʼoa fitsʼiani kʼoa fetʼani kʼianga satío kjoajtín
Kʼoati ma nchja̱ je xi bichó kʼianga jme xi kjonangi je xi bándiaale kjoajtín
Ma bichó toʼya chjotani, xi xʼin, xi yánchjín, chjotajchínga kʼoa kao xtiʼndí
Je kjoajtín xi satíole je testigole Jeobá tokjoatjao bitjasʼeen kʼoa alikui tao̱n sʼeña
5. Ninga ñʼai ma sakʼoaná machjén nga kjuian kjoajtín
Je xijchále Jesús kʼoa kao xtindsʼe̱ yaa Nazaret tsakatio, kʼoa nga ki ya yo̱ngo̱ xi tíjna ya Jerusalén nga xki̱ nó, jan nichxin kini ndso̱ko̱ kʼoa ndiaa nindo jñani tsakʼetsoma. Tʼexkiao Lucas 2:39-42 kʼoa cho̱bayaño jebi:
Jósingái ji, a ñʼai koanle kʼianga ki ya Jerusalén.
Kʼoa ji, jméni xi sakʼoa ñʼai koa̱nli kʼianga kʼuín kjoajtín.
A koasenkaoli tsa kʼuín kjoajtín ninga ñʼai koa̱nli. Ánni.
Je Biblia kʼoatso nga nʼio chjíle kʼianga kuiyojtián nga jchaxkoán je Jeobá. Tʼexkiao Hebreos 10:24, 25 kʼoa cho̱bayaño jebi:
Ánni nga tjínnenile si̱ngalee yaoná nga kjuian kjoajtín.
TJÍNKʼA XI I̱ TSO: “Alikui machjén nga kuiyojtián nga koa̱nná xi tʼatsʼe Niná”.
Jñánile texto xi tsoyaná jmeni xi mele Jeobá nga sʼiaan.
XI KACHOTʼAYÁ
Kʼianga kʼuín je kjoajtín ngisaa jchasai xi tʼatsʼe Jeobá, ngisaa koa̱nmiyosai kʼoa yaa kuijnajinlai je chjota xi je bexkón.
Jmé xi kamajinli
Ánni kʼoatsoniná Jeobá nga kjuian kjoajtín.
Jméni xi koa̱njinli tsa kʼuín je kjoajtín xi batío je testigole Jeobá.
Jósingái ji, jósasʼin koasenkaoli tsa kʼuín je kjoajtín xi satío.
XI KOASENKAOSALI
A tsín tso tokuin nga ʼmi je kjoajtín. Kataʼyai jngo chjota xi nʼio tsjoake nga fi je kjoajtín. Chótsenlai ánni.
Kataʼyai jngo ti xi nʼio tsjoake nga fi je kjoajtín kʼoa jmeni xi kisʼin nga tosi tonda ki.
Kataʼyai josʼin síkjaʼaitsjen kʼa tʼatsʼe je kjoajtín xi satío.
“Ndajin tsa kʼuín je kjoajtín xi satíole je testigole Jeobá” (Yaa faʼaitʼa ya Internet ya jw.org)
Kataʼyai josʼin tsakasenkao je kjoajtín xi satíole je testigole Jeobá jngo chjota xi nʼio tsʼen koan.
“Ñaki bʼantsjaiña tsakai pistolana tojñani fia” (La Atalaya, 1 de julio de 2014)