KJOAʼMIYA 19
A ñaki chjotale Cristo ma je testigole Jeobá
Jin xi testigole Jeobá maijin ñaki chjotale Cristo maijin. Ánni kʼoabixónsínijin. Kuila chótʼayajiaan jñá chʼanginijin josʼin makjainnajin, ánni nga testigole Jeobá ʼmininajin kʼoa jósʼin bakolaijin xíngijin nga tsjoachaijin.
1. Jñá bʼangini josʼin makjainle je testigole Jeobá
Je Jesús i kitsole je Nʼaile: “Jé énli xi ñaki kjoakixi” (Juan 17:17). Jin xi testigole Jeobá maijin kʼoanʼiaijin jokisʼin je Jesús, yaa Biblia chʼanginijin josʼin makjainnajin. Kataʼyala jókoanni kinroatsʼia je religión xi tsʼe testigole Jeobá. Kʼianga nó 1870, jngo jtín je chjota xi Biblia kotʼaya xi tsakatiotsʼinya jokjoantjínni xi tʼatsʼe Énle Niná. Kʼoa ninga kjaʼaí tso ya yo̱ngo̱, je chjota jebi kui koakisʼin jotso je Biblia, kʼoa xijekoan, kitsoyale xi kjaʼaí jmeni xi koanjinle.a
2. Ánni nga testigole Jeobá ʼmininajin
Je Jeobá testigo tsole je chjota xi je bexkón nga̱ kui tsoya jokjoantjínni xi tʼatsʼe (Hebreos 11:4-12:1). Tobʼelañá, nichxin kjoatse je Jeobá i kitsole je naxinandále: “Jonño testigona” (tʼexkiai Isaías 43:10). Kʼoa je Jesús “testigonda” ʼmile (Apocalipsis 1:5). Kʼoa kuinga testigole Jeobá tsakʼinninajin kʼianga nó 1931. Kʼoa nʼio tsjoa tjío tokuinjin nga kʼoaʼminajin.
3. Jósʼin kjenngi je kjoatsjoacha xi tsakakó je Jesús je testigole Jeobá
Je Jesús nʼio tjao koanle je chjotatjenngile kʼoa jo familiale sʼin tsabekon (tʼexkiai Marcos 3:35). Jin xi testigole Jeobá maijin jtín sʼin tiyuijin kʼoa tojngo familia maijin xi tiyuijin jngo tjíjtsa Sonʼnde. Kuinga ndsʼe kʼoa tichja ʼminilaijin xíngijin (Filemón 1, 2). Kʼoa nitjosonníjin je kjoatéxoma xi i̱ tso: “Katamatsjoachao ndsʼao” (1 Pedro 2:17). Nkjín koya josʼin bakuijin je kjoatsjoacha. Tobʼelañá, binyakaoníjin je ndsʼaijin xi tjío jngo tjíjtsa Sonʼnde kʼianga kjoa faʼatojin.
KATAʼYASAI JME XI TÍNCHJA̱NI
Kataʼyalasa xi tʼatsʼe testigole Jeobá kʼoa jmésa choa̱ xi bakó nga ñaki chjotale Cristo ma.
Je xi ñaki chjotale Cristo ma yaa Biblia bʼangini josʼin makjainle kʼoa tsoyale xi kjaʼaí chjota
4. Yaa Biblia chʼanginijin jme xi makjainnajin
Je Jeobá tongini kʼoakitso nga kuicho nichxin nga nda koa̱njinná jmeni xi tsoya je Biblia. Tʼexkiao Daniel 12:4 kʼoa cho̱bayaño jebi:
Jméni xi sa tse sa tse koa̱n kʼianga skótʼayajin Biblia je choʼndale Niná.
Kataʼyala jósʼin kiskotʼayajin je Biblia jngo jtín chjota xi tsakʼejnajinle je Charles Russell. Chótsenlao VIDEO kʼoa cho̱bayaño jebi:
Tojosʼin kaʼyaa je video, jókisʼin nga kiskotʼayajin Biblia je Charles Russell kao xi ñatjen kiskotʼaya.
A ʼyaní
Sakʼoa bʼantjaiyajin josʼin makjainnajin. Ánni. Tojo ma nga nroasʼesén, nga tobijbi maʼisen kʼoa chan machon isen isen, kʼoakjoánti ma xi kao Biblia. Je Niná tobijbi síjinná jmeni xi tso je Énle (tʼexkiao Proverbios 4:18). Ningalani tsín bʼantjaiya jmeni xi tso je Biblia, tonga nga ngisa nda majinná jmeni xi tso, nikʼantjaiyañá josʼin makjainná.
5. Kʼoanʼiaijin josʼín jngo testigo
Ánni nga testigole Jeobá ʼmisíninajin. Chótsenlao VIDEO kʼoa cho̱bayaño jebi:
Ánni bakinsíninajin nga testigole Jeobá ʼminajin.
Ánni nga chjota tíkjoejinni Jeobá nga testigole koa̱n. Kuinga énndiso tísʼene je Niná kʼoa machjén nga je chjota jebi kuitsoya jokjoantjínni xi tʼatsʼe. Chótʼayajinla kʼa je énndiso xi tísʼene je Niná.
Tjínkʼa religión xi kʼoatso nga kui xi mele je Niná nga xkóson si̱chjén kʼianga kʼoétsʼoalee. Tonga a kʼoatjín. Tʼexkiao Levítico 26:1 kʼoa cho̱bayaño jebi:
Tojo tso texto jebi, jótso Niná tʼatsʼe je xkóson.
Tjínkʼa religión xi kʼoatso nga Niná je Jesús, tonga a kʼoatjín. Tʼexkiao Juan 20:17 kʼoa cho̱bayaño jebi:
Tojo tso texto jebi, a tijeni Jesús je Niná.
Jósʼin nikjaʼaitsjain ji nga je Jeobá xotítsole je testigole nga katatsoya jokjoantjínni xi tʼatsʼe kʼoa kao tʼatsʼe ʼNdíle.
6. Tsjoachaníjin xíngijin
Je Biblia kʼoatso nga je chjotale Cristo yaa mangóson nga jngó jngó koya xi tjínle yaoná. Tʼexkiao 1 Corintios 12:25, 26 kʼoa cho̱bayaño jebi:
Jmé xi tjínnele sʼin je chjotale Cristo kʼianga kjoa faʼatojin je ndsʼe̱.
Jméni xi jisoa tiʼyai josʼin bakóle kjoatsjoacha xínkjín je testigole Jeobá.
Je testigole Jeobá ndi̱to̱n binyakao je ndsʼe̱ kʼianga kjoaxkón bichóne. Nga jchai nga kʼoasʼín kjoaixi, chótsenlao VIDEO kʼoa cho̱bayaño jebi:
Jósingái ji, a kjoatsjoacha xi bakó je testigole Jeobá kʼianga kʼoasʼin binyakao xínkjín nga kjoaxkón bichóne. Ánni nga kʼoasʼin nikjaʼaitsjenni.
Je xi ñaki chjotale Cristo ma bakóle kjoatsjoacha je xi nganʼio machjénle
TJÍNKʼA XI I̱ TSO: “Chriansʼaa tsʼatsen je religiónle testigole Jeobá”.
Kʼiá saʼndani nga testigona kitsole Jeobá je chjota xi je bexkón.
XI KACHOTʼAYÁ
Je testigole Jeobá ñaki chjotale Cristo ma. Jngo tjíjtsa Sonʼnde tojngo familia manijin nga ʼyaxkuíjin Niná, yaa Biblia chʼanginijin josʼin makjainnajin kʼoa kui ʼmiyaijin jokjoantjínni xi tʼatsʼe Niná.
Jmé xi kamajinli
Ánni nga testigole Jeobá ʼmininajin.
Jósʼin bakuijin nga tsjoachaijin xíngijin.
Jósingái ji, a ñaki chjotale Cristo ma je testigole Jeobá.
XI KOASENKAOSALI
Kataʼyasai xi tʼatsainjin.
Jokji kjoamakjain kisʼele je testigole Jeobá. Xi títjon: Nga tsabe jokjoantjínni xi kixi (1:00:53)
Jngo koya kataʼyaa jmeni xi tsín kʼoatjín xi bakóya je religión.
I koa̱nsjaili tsa jmeni xi mesali jchai xi tʼatsʼe testigole Jeobá.
“Xi nʼio kjonangi chjota xi tʼatsʼe je testigole Jeobá” (Yaa faʼaitʼa ya Internet ya jw.org)
Kui xi chʼaotjín kisʼin je Stephen nga kjoajticha kisʼejnajin ni̱ma̱le. Kataʼyai jósʼin tsakasenkao jmeni xi sʼín je testigole Jeobá nga kisikʼantjaiya yaole.
“Sa chʼao sa chʼao kisʼian” (La Atalaya, 1 de julio de 2015)
a Je Xo̱n xi Bájinkonná tíbitjo ʼnde ʼndee tjen nó 1879 kʼoa kui tsoya jmeni xi faʼaitʼa Biblia.