KJOAʼMIYA 48
Nda chjoéjin je miyoli
Je xi ñaki miyoná mani tsjoa fáya tokoán kʼoa tsjoánganʼioná kʼiatsa kjoa tibitjatojiaan. Tonga je Biblia kʼoatso nga tsín koa̱n miyoná koa̱n toʼya chjotani. Tonga jókoa̱nni jchaa ʼyáni xi si̱miyoaa. Kataʼyala.
1. Kʼoati nʼia josʼín je miyoná
Sakʼoa kʼoati nʼia josʼín je chjota xi nʼio fajtaa. Kʼoama tsa ya kjitʼa kuitsomakoaa xíngiaa kʼoa tsa toya tjen Internet chja̱kaonajmíñá xíngiaa. Je Biblia itso: “Je xi chjotachjine bʼamjekao chjinee koa̱n, tonga je xi chjotachini bájta [xi tsonile, xi tsín je Jeobá tsjoake] kjoa ska̱jin” (Proverbios 13:20). Tsa je si̱miyui je chjota xi tsjoake je Jeobá kʼoa xi je bexkón koasenkaoli nga ngisa koa̱nchriantʼalai Niná kʼoa nga nda chjoéjin jmeni xi sʼiain. Tonga tsa je si̱miyui je chjota xi tsín je Jeobá tsjoake koa̱nkjinlai je Niná. Kuinga kʼoatsoniná je Biblia nga nda chjoéjiaan je xi si̱miyoaa. Tsa kʼoati tsjoake je Jeobá je xi miyoná mani ndasʼin biyoaa, kʼoa kʼoanʼia jotso én jebi: “Tijetakon xíngio tʼaisalao nganʼio xíngio” (1 Tesalonicenses 5:11).
2. A mandosinle Jeobá ʼyani xi nimiyui
Je Jeobá nda kjoejin ʼyani je xi miyole mani. “Nʼio miyole mani je chjota xi kixi” (Proverbios 3:32). Je Jeobá alikuijin nda sʼe̱ kon tsa je si̱miyoaa je chjota xi tsín tsjoake (tʼexkiai Santiago 4:4). Tonga tsa je si̱miyoaa je chjota xi tsjoake, je Jeobá tsjoa sʼe̱ kon, ngisaa koa̱nmiyoaa kʼoa ngisaa koa̱nchriantʼalee (Salmo 15:1-4).
KATAʼYASAI JME XI TÍNCHJA̱NI
Kataʼyala ánni nga nʼio chjínile nga nda chjoéjiaan je miyoná kʼoa jméni xi tjínnele sʼiaan nga je miyo xi nda sʼín chjoéjiaan.
3. Alikui je si̱miyoaa je chjota xi chʼao sʼín
Alikui skénndiaaná nga je si̱miyoaa chjota xi tsín tsjoake Jeobá kʼoa xi tsín sítjoson je kjoatéxomale. Chótsenlao VIDEO kʼoa cho̱bayaño jebi.
Jómanile nga sakʼoa je nimiyosíñá je chjota xi chʼao sʼín.
Tʼexkiao 1 Corintios 15:33 kʼoa cho̱bayaño jebi:
Jósingái ji, ʼyá chjotani xi tsín koa̱n si̱miyui, ánni.
Tʼexkiao Salmo 119:63 kʼoa cho̱bayaño jebi:
Jósingái ji, jméni xi tjínnele kuenta sʼiain kʼiatsa jngo chjota si̱miyui.
Tsa jngo manzana xi jetífiʼndo si̱kʼéjnajinlee je manzana xi nda kjoan sikjiʼndojin ngayeje. Kʼoa ji, jósʼin sikiʼaonli tsa je kjoájtai je chjota xi chʼao sʼín
4. Ali tsa tojejin chjota xi kʼoati sʼín jonʼia kʼoa xi mangósoán xi koa̱n nga miyoná koa̱n
Ya Biblia faʼaitʼa xi tʼatsʼe David kao Jonatán je xi ya naxinandá Israel tsakatio. Ningalani kjaʼaí kjaʼaí tjín nóle kʼoa ningalani kjaʼaí kjaʼaísʼin koanjchínga nʼio miyo tsakjáo. Tʼexkiao 1 Samuel 18:1 kʼoa cho̱bayaño jebi:
Jósʼin bakó je texto xi kabʼexkiaa nga tsín toje xi koa̱n miyoná koa̱n je chjota xi ngóson tjín nóná kʼoa tsa je xi ngóson kji tao̱n tjínná.
Tʼexkiao Romanos 1:11, 12 kʼoa cho̱bayaño jebi:
Kʼianga je nimiyoaa xi tsjoake Jeobá, jósʼin bʼainganʼiongañálee xíngiaa.
Jósʼin kisokole miyo jngo ti. Chótsenlao VIDEO kʼoa cho̱bayaño jebi:
Ánni kisikjáojinni xijchále Akil tʼatsʼe je miyo xi kisʼele ya ndʼiaskuela.
Ánni kisasennile Akil je miyo xi kisʼele tsakai.
Jméni xi kisʼin nga tsakásjai miyo.
5. Jósʼiain nga katasʼeli je miyo xi nda sʼín
Kataʼyala jókoa̱n sʼiain nga so̱koli miyo xi nda sʼín kʼoa jókoa̱n sʼiain tsanda ji nga nda miyo koai̱n. Chótsenlao VIDEO.
Tʼexkiao Proverbios 18:24 kao 27:17 kʼoa cho̱bayaño jebi:
Jósʼin binyakao xínkjín je xi ñaki miyo.
A kʼoakjoan miyoli jotso je texto xi kabʼexkiaa ya Proverbios. Tsa mai, jméni xi sʼiain nga so̱koli je miyo xi kʼoakjoan.
Tʼexkiao Filipenses 2:4 kʼoa cho̱bayaño jebi:
Tsa meli nga nda sʼín je miyo xi sʼe̱li, tjínnele nga kʼoati nda miyo koai̱n tsanda ji. Jméni xi tjínnele sʼiain.
Tsa meli nga so̱koli je miyo xi nda sʼín kʼoati machjén nga nda miyo katamai tsanda ji
TJÍNKʼA XI I̱ TSO: “Koaan miyo kʼuínlee toʼyani”.
Jósingái ji.
XI KACHOTʼAYÁ
Kʼianga nda chjoejiaan je miyoná ndasʼin biyoaa kʼoa fayatsjoañá kon je Jeobá.
Jmé xi kamajinli
Ánni nga kui xi menile Jeobá nga nda chjoéjiaan ʼyani xi si̱miyoaa.
ʼYáni xi tsín koa̱n si̱miyoaa.
Jókoa̱n sʼiain nga je si̱miyui je chjota xi nda sʼín.
XI KOASENKAOSALI
Kataʼyai jósʼin binyakaoná je xi ñaki miyo kʼianga kjoa bitjatojiaan.
“Si̱miyoaa je xíngiaa nga kjesa faʼaijin kjoafetʼa” (Xo̱n xi Bájinkonná, noviembre 2019)
Chótʼayajin jméni xi koa̱n sʼiain nga nda chjoéjin je miyoli.
Jméni xi tjínnele jchai xi tʼatsʼe miyo xi toya redes sociales sokóná.
Tʼexkiai xi tʼatsʼe jngo chjota ya jñani “Kui xi koanmena nga jngo nʼai sʼe̱na” tso, ánni nga tsín tije tsakájtani chjota jebi je xi miyole koan tsakai.
“Je Biblia síkʼantjaiyaa chjota” (La Atalaya, 1 de abril de 2012)