Nʼiojin katamai

Jokisʼin Jesús

VIDEO: Nga kitsoyale Jesús je Zaqueo

1. Chótsenlai VIDEO, kʼoa tsa maije̱ tʼexkiai Lucas 19:​1-7. Xijekoa̱n, chótʼayajin kjoachjonangi jebi:

1. Ánni nga tjínkʼa chjota xi tsín kisichriannile je Zaqueo.

2. Tonga ánni nga kitsoyanile je Jesús.

Jméni xi bakóyaná jokisʼin Jesús

2. Machjén nga nʼiojin koaan nga kʼuínyalee Énle Niná toʼyani.

Chjénngi choa̱le Jesús

3. Je Jeobá tinʼiotʼai. Kui nganʼiotsjele Niná tsakasenkao je Jesús nga kitsoya kʼoa kʼoati kui xi koasenkaoli tsanda ji (Mat. 10:​19, 20; Luc. 4:18). Kʼiatsa bijkon kʼalai je chjota nga chjakoai, kʼoatʼinlai Jeobá nga katatsjoáli kjoanʼiojin (Hech. 4:29).

4. Ali chjotajin chjaʼajin. Sakʼoa likui tso tokoán nga nokjoakoaa jngo chjota kʼianga tokui mangínñá jokji, tsa tjínle tao̱n, josʼin tífikao yaole kʼoa tsa kjaʼaísʼin makjainle. Tonga kuenta tʼiain jebi:

1. Je Jeobá kao Jesús be jotjín ni̱ma̱le chjota, tonga ñá mai.

2. Je Jeobá bakóle kjoanda toʼya chjotani.

5. Nʼiojin katamai tonga kʼoati tikuindai yaoli (Mat. 10:16). Takui kjoaxkóntokon kʼoa ali chjotajin chobatikoai. Kʼiatsa tsín kjuinrʼoéli chjota kʼoa tsa bele tokuin nga xkón chon, tosa totikjetʼai jme xi tisi (Prov. 17:14).