Ánni nga tsín koa̱n tokoa̱nkjainsíniná jotso je relijión

Tikjaʼaitsjenlai tsa nʼio táo je chʼin xi tjínli kʼoa tsa tjínnele jtíyai. Nga tsín xkón si̱kʼéjnai yaoli, jejin kjoásjai jngo chjinexki xi ʼyai nga male bateya chjota. Kʼoajinti ndatjín nga kuijnatsʼinyai tsa jenkjín chjota bateya xi kʼoati kui chʼin tjínle.

Kʼoakjoán titjínni xi tʼatsʼe je relijión, nga̱ yaa kjuinroani tsa nda kuijnaa ngixko̱n Niná kʼoa tsa sʼe̱ná kjoabitjontjai. Kuinga machjénsíni nga ndakjoan kuijnatsʼinyai je relijión xi tijnajin.

Kʼianga jchaa tsa nda tísʼín jngo relijión kʼoa tsa mai, je Jesús jngo choa̱ tsakʼéjna, kitso: “Nga̱ jngójngó yá kʼoasʼin ʼyanile jo kjoan tole” (Lucas 6:44). Tikjaʼaitsjenlai jngo relijión xi ʼyai. Jósʼín je xi nyatítjonle, a to tao̱n mandosinle. Jósʼín je chjota xi ya tjíojin, a sítjoson jotso Biblia nga tsín kjoajchán fijin kʼoa a kʼoasʼin tjíofikao yaole jotso Énle Niná. Nga jesi̱kjaʼaitsjenjin xi tʼatsʼe jebi, chjónangilai yaoli tsa tíjna jngo relijión xi koa̱n si̱nʼiotʼai. Kataʼyala jotjíosʼín je relijión xi tʼatsʼe jebi.