JMENI XI CHJONANGIAA XI TʼATSʼE BIBLIA

A nrʼoéle Niná ngatsʼi chjota kʼianga bʼétsʼoa

Je Niná nrʼoéle tojñani tsʼe je chjota (Salmo 145:18, 19). Je Biblia kʼoatsoná nga kʼoéyanajmílee je Niná tojmeni xi nikjaojiaan (Filipenses 4:6, 7). Tonga sakʼoa likui sasénle josʼin bʼetsʼoalee, jolani kʼianga to memoria kʼoabixoán jmeni xi ʼmilee. (Tʼexkiai Mateo 6:7.)

Kʼoati tsín nrʼoéle je chjota xi toxá faʼatoneni kjoatéxomale (Proverbios 28:9). Tobʼelañá, nichxin kjoatse alikui kinrʼoéle je chjota israelita xi kʼien kisikʼien. Kʼianga kjuinrʼoéle kjoabʼetsʼoaná machjénní nga si̱tjosoán kjoatéxomale. (Tʼexkiai Isaías 1:15.)

Jméni xi sʼiaan kʼianga kjuinrʼoéná Niná nga kʼoétsʼoalee

Kʼiatsa tsínná kjoamakjain alikui kjuinrʼoéná je Niná (Santiago 1:5, 6). Tjínnele nga ñaki koa̱nkjainná nga tíjna kʼoa nga mandosinle xi tʼatsaan. Kʼianga sʼe̱ná kjoamakjain xi tʼatsʼe tjínnele nga chótʼayá je Biblia, nga̱ jmeni xi tso Biblia kui koasenkaoná nga sʼe̱ná kjoamakjain. (Tʼexkiai Hebreos 11:1, 6.)

Kʼoati tjínnele nga ñaki ni̱ma̱ná katanroajinni jmeni xi kʼuínlee kʼoa nga kao kjoanangitokon kʼoétsʼoalee, tojo kisʼin je Jesús (Lucas 22:41, 42). ʼNdele nga kui kʼoakʼuínlee je Niná jmeni xi mená nga sʼin, tosa kʼoénelee yaoná nga kataʼyaa jmeni xi síjéná. Jókoa̱nni jchaa. Tokʼia tsa kʼoéxkiaa je Biblia. Tsa kʼoasʼiaan, kui si̱jélee Niná jmeni xi mele nga je. (Tʼexkiai 1 Juan 5:14.)