JMENI XI CHJONANGIAA XI TʼATSʼE BIBLIA
ʼYáni xi ya ngʼajmi koai kʼoa jmé xá koaini
Miyón chjota xi mele nga ya ngʼajmi koai kʼianga jekuiyá. Je Jesús kʼoakitsole je pastrole xi kixi kitʼale nga ya koatiokao. Kʼianga kjesa biyajin kʼoakitsole nga jngo ʼnde koaikʼéjnandale nga ya koatiokao kao je Nʼaile. (Tʼexkiai Juan 14:2.)
Ánni nga tjíokʼasíni chjota xi ya koai ya ngʼajmi. Jméni xi sʼin ya ngʼajmi. Je Jesús kʼoakitsole pastrole nga rey sʼin koatio kʼoa nga je koatexomason Sonʼnde. (Tʼexkiai Lucas 22:28-30 kao Apocalipsis 20:4.)
A kjoaixi nga ya fi ya ngʼajmi ngatsʼi xi nda chjota
Joni tsa jngo naxinandá nga tochoa mani je chjota xi batéxomale, kʼoati tochoa mani chjota xi koatexomason Sonʼnde. Jéní chjota xi kiskoejin Jesús nga ya koai ngʼajmi (Lucas 12:32). Je Biblia kʼoatso jotjín mani chjota jebi. (Tʼexkiai Apocalipsis 14:1.)
Je Jesús jngo ʼnde tíjnandale jñani koatio chjotale ya ngʼajmi. A ʼyaní jmeni xi sʼin nga jeya tjío
Ninga toje chjota jebi xi ya ngʼajmi koai, ali tojejin xi nda koatio. ʼYani xi sitjosonle je Jesús koaan koatio tokʼia saʼndani i̱ Sonʼnde kʼianga jeʼndenaxó koa̱n (Juan 3:16). Tjínkʼa xi kjoaʼatojin tjínkon kʼianga ni̱kje xi chon sonʼnde kʼoa tjínkʼa xi kʼia kjoaʼáyale nga jeʼndenaxó koa̱n je Sonʼnde. (Tʼexkiai Salmo 37:29 kao Juan 5:28, 29.)