JMENI XI CHJONANGIAA XI TʼATSʼE BIBLIA

Ánni nga nʼio nkjín chjota xi kʼoasʼin síkjaʼaitsjensíni nga tíjna jngo xi kisindaná

Jngo na̱ xi tíkotsenle je ʼndíle — Tokʼoamaná jomani nga sʼená kjoabijnachon

Jela kjoan jan jmi nó nga i̱ kitso jngo chjota xi kiski Biblia: “Naskánasʼin tsakʼendanái” (Salmo 139:14). Tokʼoamaná nga jngo célula xi ʼndíle ma. Nʼio nkjín chjota xi kʼoatso nga tíjna jngo xi kisinda ngayeje tsojmi xi tjíokon. (Tʼexkiai Salmo 139:13-17 kao Hebreos 3:4.)

Je xi kisinda ngʼajmi kao xi kisinda Sonʼnde kʼoati je kitsjoa kjoabijnachon (Salmo 36:9). Fákao je chjotasonʼnde kʼoa bʼéyanajmíle xi tʼatsʼe. (Tʼexkiai Isaías 45:18.)

A choo jaʼaiñá

Nʼio nkjín koya jokjoan yaoná xi mangóson jokjoan je cho̱. Tonga kuinga kʼoakjoanñá nga kʼoasʼin koanndaa nga i̱ Sonʼnde kuiyoaa. Je chjota xi títjon koannda ali tsa cho̱jin koanndani, nangi koanndani. (Tʼexkiai Génesis 1:24 kao 2:7.)

Jao koya xi tsín mangósoán kao je cho̱. Xi títjon, kuinga ñá xi chjotaa ʼyañá je xi kisindaná, tsjoachañá kʼoa ʼyaxkónñá. Xi majaoni, je cho̱ alikui kʼoasʼin koannda nga koa̱n koatio ngantsjai nichxin, kʼoa ñá kʼoasʼin koanndaa. Kʼoa nga biyaa ndʼaibi kuinga jaʼatone kjoatéxomale Niná je chjota xi títjon koannda. (Tʼexkiai Génesis 1:27 kao 2:15-17.)

Tsa mesali jchai tʼatsʼe jebi, chótʼajin ya kjoaʼmiya jngo xi tsʼe libro jebi Jmé kjoanni xi bakóya je Biblia. Jé testigole bʼasje.

Koaan chʼa̱jain ya jw.org tokjoatjaoní, kʼoa tsa maije̱ tʼetʼai jmeni xi tso je cupón