Jotjínni tʼatsʼe nichxin xi nroaján

Je Jesús kitsoyaa jmeni koa̱n nga to jetíjnachrian Chjotaxále Niná (Lucas 21:31). Tobʼelañá, kʼoakitso nga sʼe̱ kjoajchán, cháon, kjinrá kʼoa kao chʼin. Kʼoa tiʼyañá nga kʼoakjima ndʼaibi (Lucas 21:10-17).

Je Biblia tongini kʼoakitso jokoa̱nkjoan je chjota nichxin nga tojeme tjóxin je chjotaxá sonʼnde. Tʼexkiai jmeni xi tso ya 2 Timoteo 3:1-5.a Alikui jao tjínná nga kʼoakjoan je chjota nichxin xi tiyoaa ndʼaibi.

Jmé xi bakóyaná jebi. Kui bakóyaná nga tojeme kjoaʼaí síndachon Sonʼnde je Chjotaxále Niná (Lucas 21:36). Je Biblia kʼoatso nga je Niná sindachon je Sonʼnde kʼoa ndasʼin koatio je chjota. Kataʼyala kʼaa choa̱.

NʼIO NDASʼIN KOATEXOMA CHJOTAXÁLE NINÁ

Jé Jesús “tsakʼaile xá nga koatexoma, kao kjoaxkóntokon kʼoa kao kjoatéxoma, ánni nga je sixánile ngatsʼi naxinandáʼndí, naxinandáyʼai kʼoa kao én xi tjín. Jé koatexomantsjai kʼoa je xále likui kjoetʼa, kʼoa je kjoatéxomale likui kuixo̱ya” (DANIEL 7:14).

Jmé xi tsoyanile. Kui tsoyaná nga tsjoa sa̱tío tokoán kʼianga jekoatexoma Chjotaxále Niná jngo tjíjtsa Sonʼnde. Kʼoa jé Jesús xi Rey sʼin kʼoéjna.

TSÍN TICHʼIN SʼE̱NINÁ

“Nijngojin xi ya kʼoéjna kʼoakuitso: Timʼeña” (ISAÍAS 33:24).

Jmé xi tsoyanile. Alikui tiʼya xi yo̱ma̱ koankjoanni kʼoa tsín tiʼya xi chʼin sʼe̱nile. Koaan kuiyoaa ngantsjai nichxin.

SʼEE KJOANYʼÁN

“Kjoaʼaxin kjoajchán ngakjijnda sonʼnde” (SALMO 46:9).

Jmé xi tsoyanile. Likui tisʼeni kjoajchán kʼoa tsín tikjoañʼai chja̱ʼañá.

NDA CHJOTA KOA̱N JE CHJOTA JNGO TJÍJTSA SONʼNDE

“Je xi tsʼen alikui tikʼoéjnani; [...] je xi ndʼé tsʼee koa̱n i̱ sonʼnde” (SALMO 37:10, 11).

Jmé xi tsoyanile. Tsín tisʼe̱ni je chjota xi tsʼen, tojé chjota xi sitjosonle Niná xi koatio.

ʼNDENAXÓ KOA̱N JNGO TJÍJTSA SONʼNDE

“Kʼoenda niʼya kʼoa yaa koatioʼya; kʼoa kʼoentje xka̱totsee kʼoa je ski̱ne tole” (ISAÍAS 65:21, 22).

Jmé xi tsoyanile. ʼNdenaxó koa̱n jngo tjíjtsa Sonʼnde. Sitjoson Niná jmeni xi nijélee, nga kʼoasʼin jmeni xi tjínndajinle xi kao Sonʼnde (Mateo 6:10).