Josʼin koa̱n sʼe̱yo je rebista

Jósʼin koa̱n sʼe̱tsʼiakao estudio kʼianga xoto nga tífitsʼia sá junio

Tʼexkiai Isaías 42:8 kʼoa i̱ tʼinlai chjota: “Tojo tso testo jebi, je Niná tjínle jaʼaín. A machjén nga si̱chjén jaʼaínle Niná, jósi ngái ji. [Tʼaiʼndelai chjota nga katanchja̱.] Koakolale kuitsoñá rebista jebi”. Jngo rebista La Atalaya xi tsʼe 1 de junio takolai, kʼoa tʼinyalai je párrafo xi títjon xi faʼaitʼa ya pájina 16. Tjayolai rebista kʼoa kʼoatʼinlai nga kʼuínchon ijngokʼalai nga chótʼayao jmeni xi kjonangi je párrafo xi majaoni.

La Atalaya 1 de junio

“Jósʼin nikjaʼaitsjen ngái ji xi tʼatsʼe Biblia. [Takolai nga ño koya én xi faʼaitʼa ya pájina 3.] Jñánile nga ño koya én xi faʼaitʼa ibi xi mangóson josʼin nikjaʼaitsjain. [Tʼaiʼndelai chjota nga katanchja̱.] Kuitsoñá Biblia xi tʼatsʼe jebi [tʼexkiai Romanos 15:4]. Rebista jebi aon koya tjínni xi faʼaitʼa anni nga ngisa nʼio chjínile Biblia tikʼoajinni libro xi kjaʼaí kʼoa kʼoati bakóyaná jósʼin basenkaoná.”

¡Despertad! Junio

“Nga xki̱ nó miyón mani chjota xi tjochʼinle nga tsojmi chʼao kjine. A ñaki tsje tsokʼoa je tsojmi xi chinee ñá, jósi ngái ji. [Tʼaiʼndelai chjota nga katanchja̱.] Rebista jebi ño koya tsoyaná jmeni xi sʼiaan nga tsín katatsjoáchʼinná je tsojmi xi chinee. Kʼoati bakóyaná jmeni xi tso Biblia nga jemachrianle nichxin nga nʼio sʼe̱ tsojmi xi ma chine i̱ Sonʼnde kʼoa nga ñaki nda je tsojmi xi sʼe̱.” Tʼexkiai Salmo 104:14, 15.