Je xi kjonangi xti... jósʼin sichjén kjoabijnachonna (Xi títjon)
Kʼianga sa majchínga sa majchínga je xti, jé jekjoejin jmeni xi sʼín. Jngo pelíkula kisʼenda xi tsjoánganʼiole, pelíkula jebi i ʼmi: Los jóvenes preguntan... ¿Qué haré con mi vida? Kʼianga jekjoáyalai pelíkula jebi ya tisennelai jña Ver drama tso ánni nga koa̱n chótsensínilai kʼoa tʼetʼaxuin jmeni xi kjonangi je párrafo 2. Kʼianga jekjoetʼa ijngokʼa tisennelai jña Entrevistas tso kʼoa xijekoa̱n tisennelai jñani Al mirar atrás... tso kʼoa tʼetʼaxuin jmeni xi kjonangi je párrafo 3.
Pelíkula. 1) Jósʼin mangóson je kjoa xi tjíojin kʼa xti xi Niná tjíosíxále ndʼaibi kao je kjoa xi jaʼatojin Timoteo. 2) Jméni xi nʼio kisʼenele je Andy kʼianga sʼin, tojoni nga nʼio ngʼa katabʼejna xi tʼatsʼe kjoaniská. 3) Jméni xi kitsole je Andy je ndsʼee Fleissig xi tʼatsʼe 1) nga mele tsjoátʼale yaole je Jeobá kʼoa nga kʼoati me kaonile nga kjoaniská koaitjenngi (Mat. 6:24). 2) jña nroani nga tsjoa sʼe tokoán. 3) jmeni xi kisikjaʼaitsjenle je chxoa̱ xi tsakʼaile kʼianga kinikʼéjnayanʼio. 4) je chjota xi tjíotʼakao ya foto, jé kʼoa kao chjoónle. 5) jokisʼe kon nga tsínni kui kjoaniská kitjenngi (Filip. 3:8). 4) Kʼianga kiskonangile majchále Andy, a chʼaotjín nga nʼio ngʼa mená kuiyoaa xi tʼatsʼe kjoaniská, jókitso majchále (Luc. 4:5-7). 5) A nda kisʼe kon Andy nga jekinjele kʼianga kitokanacha. 6) Jméni xi nʼio kiskajin ni̱ma̱li jotso je xo̱n xi kisikájnale Andy je ndsʼee Fleissing (Prov. 10:22). 7) Jméni xi koanjinle nga koanskanni je Andy josʼin tsakasenkao je ndsʼee Fleissing.
Nga chótsenlai jñani Al mirar atrás tso. 8) Jméni xi tjíofitjenngi tsakai je ndsʼee xi kichjonangile kʼoa ánni. 9) Jméni xi jekichotjenngi tsakai. 10) Jméni xokisikao nga kisikʼantjaiya josʼin tjíofikao yaole (2 Cor. 5:15). 11) Kʼianga jekisikatío jmeni xi tjíofitjenngi, jme xá xi tsʼe Niná kitjenngi, kʼoa ánni nga tsabesíni nga tsín koa̱n koaitjenngi nga jao koya. 12) A kʼoakoannile nga kisikatío jmeni xi tjíofitjenngi ngasʼa. 13) Jon xi sʼa xtio, jmé énni xi kitso je ndsʼee kao tichjaa xi kisikjaʼaitsjenjinno josʼin koanngínkao je yaono.
Jé xomana xi ijngo kjoaʼa xi faʼaitʼasa pelíkula jebi kʼianga sʼe̱jna Kjoajtín xi tsoyaná josʼin si̱xálee Niná. Kʼoaʼmilee xíngiaa nga tongini tiyondao ánni nga koa̱n kuinókjoasíño nga sʼe̱jna kjoajtínná.