Josʼin koa̱n sʼe̱yo je rebista

Jósʼin koa̱n sʼe̱tsʼiakao estudio kʼianga xoto nga tífitsʼia sá abril

“Nʼio nkjín chjota xi kʼoatso nga likui majinle jotso je Biblia. Jósi ngái ji, a nʼio ñʼai mali jotso je Biblia. [Tʼaiʼndelai chjota nga katanchja̱.] Koakolale kuitsoñá je rebista jebi.” Takolai ya jto̱n yátsʼin je Xo̱n xi Bájinkonná xi tsʼe 1 sá abril. Tʼinyalai je kjoachjonangi xi títjon faʼaitʼa kʼoa tʼexkia jngolai testo xi ya nroatʼa. Tjayolai je rebista kʼoa kʼoatʼinlai nga kʼuínchon ijngokʼalai nga chótʼayao kjoachjonangi xi majaoni.

Xo̱n xi Bájinkonná 1 sá abril

“Mani nga nʼio tse kjoa tibitjatojiaan ndʼaibi, nʼio nkjín chjota xi kjonangi jósʼiaan nga ñaki nda kuiyoaa. Jósi ngái ji, ánxótseni nga nʼio nkjín chjota xi tsín nda tjíosíni. [Tʼaiʼndelai chjota nga katanchja̱.] Je Biblia kʼoatso nga je Niná jeme kjoaʼaxin ngayeje je kjoa xi tiyojiaan ndʼaibi [tʼexkiai Apocalipsis 21:4]. Rebista jebi kui koakoyali xi tʼatsʼe nichxin xi sʼa nroa kʼoa kʼoati kuitsoyali jósʼiaan nga ñaki nda kuiyoaa ninga ndʼaibi.”

¡Despertad! Abril

“Jngo tjíjtsa Sonʼnde nʼio nkjín chjota xi totaon be xínkjín ya yaniʼya. Tsakuixó nichxin kui kʼoasʼín kʼani chjota nga kʼoasʼin koanjchínga, nga toje kʼoasʼin kitje̱nni kʼoa tsakuije̱ nga kui kotsenle je xi kjoatsʼen tje̱nkao. Jósi ngái ji, jñá nroani nga kʼoasʼín chjota. [Tʼaiʼndelai chjota nga katanchja̱.] Jngola énle Niná koakole xi kui tínchja̱ni jósʼin tjínle skoe̱xkón xínkjín xi jechixan [tʼexkiai Efesios 5:33]. Rebista jebi nʼio nkjín testo xi tsʼe Biblia nroatʼa xi tjíobinyakao xi jechixan nga nda tjíobatío ijngokʼani ya yaniʼyale.”