Josʼin koa̱n sʼe̱yo je rebista
Jósʼin koa̱n sʼe̱tsʼiakao estudio kʼianga xoto nga tífitsʼia sá julio
“Ngatsʼi chjota mele nga ngisa tse nichxin sijchá yaole kʼoa nga ñaki tsjoa sa̱tío kon. Jósʼin nikjaʼaitsjain, a chan koa̱nsjai jngole xki je chjotachjine xi koa̱nle sikatíokonná ngantsjai nichxin.” Xi jekuinchja̱ chjota, takolai ya jto̱n yátsʼi̱n je Xo̱n xi Bájinkonná xi tsʼe 1 sá julio. Tʼinyalai je kjoachjonangi xi títjon faʼaitʼa kao párrafole kʼoa tʼexkialai ninga tojngo testo xi ya nroatʼa. Tjayolai je rebista kʼoa kʼoatʼinlai nga kʼuínchon ijngokʼalai nga chótʼayao kjoachjonangi xi majaoni.
Nota: Jngo xíngiaa katabakóchoya jebi ya kjoajtín xi sʼe̱jna nga koanngínkʼinyasoán kʼianga 6 sá julio.
Xo̱n xi Bájinkonná 1 sá julio
“Nʼio nkjín chjota xi kʼoasʼin chjakaonajmíjin xi kʼoatso nga jetjínle relijión, tonga kʼoati tjín xi tso nga tsín tisínʼiotʼani je relijión xi tjín. Jósʼin nikjaʼaitsjain xi tʼatsʼe jebi. [Tʼaiʼndelai chjota nga katanchja̱.] Je Jesús kʼoakitso jósʼin jchañá tsa ñaki kixi jngo relijión kʼoa tsa mai [tʼexkiai Lucas 6:44a]. Rebista jebi kui bakóya kʼa jmeni xi chʼao tjíosʼín je relijión kʼoa kʼoati tsoya tsa tíjna jngo relijión xi koa̱n si̱nʼiotʼaa.”
¡Despertad! Julio
“Kui tichjakaonijin je chjota nga kʼoasikji kjoa xi tsín kixi kjima i̱ Sonʼnde. Kʼoa nga kʼoama, tjín chjota xi tsín síjyo kʼoa binyatje̱nne je chjota xi totaon tjíobe. Jósi ngái ji, a tjíosʼendajinle kjoa jebi je chjota ningalani kʼoasʼín. [Tʼaiʼndelai chjota nga katanchja̱.] Je Biblia kʼoatso jñá kjuinroani nga sʼe̱ndajin kjoa jebi [tʼexkiai Mateo 6:9, 10]. Rebista jebi kui koakoyali tsa sʼe̱ndajinle kjoa jebi je chjota nga kʼoasʼin binyatje̱nne je xi totaon tjíobe.”
Énnda chjotse xi tʼatsʼe Niná tínroani
“Kui tiʼmiyaijin jmeni xi tso je Biblia tʼatsʼe jme xi tjínndajinle Niná xi tʼatsʼe chjotasonʼnde. Nʼio nkjín xi kjonangile yaole ánni nga títsjoáʼndesíni Niná nga kjoañʼai tichjaʼá tsa nʼio tjínle kjoatsjoacha. Jósi ngái ji, a kui xá kisikatíoniná i̱ Sonʼnde nga kjoañʼai chja̱ʼá.” Tʼaiʼndelai chjota nga katanchja̱ kʼoa takolai ya kjoaʼmiya 5. Tʼexkialai kʼoa tʼinyalai xi títjon jao párrafo kʼoa kao testo xi cursiva kjoan letrale. Tajnalai je foyeto kʼoa kʼoatʼinlai nga kʼuínchon ijngokʼalai nga chótʼayao kjoachjonangi xi majaoni.”