Basenkaoná nga ngisa nda bakoyasoán
1. Jmé xá faʼaitʼani ya rebista La Atalaya je kjoaʼmiya xi “Conversaciones con un testigo de Jehová” tso.
1 Je rebista La Atalaya sakʼoa kui faʼaitʼa je kjoaʼmiya xi “Conversaciones con un testigo de Jehová” tso. Kʼoa jao koya tjínni anni nga kui faʼaitʼani: Xi títjon, kuinga katamandosinle chjota jme xi bakóya Biblia. Xi majaoni, kui bakóyaná josʼin chja̱koaa chjota kʼianga tjín xi kjonanginá (1 Ped. 3:15). Kataʼyala kʼaa josʼin si̱chjén jebi.
2. Jngola koya kʼoasi josʼin koa̱n si̱chjén nga ʼmiyasoán je kjoaʼmiya xi “Conversaciones con un testigo de Jehová” tso.
2 Nʼio nda machjénná nga ʼmiyasoán. Ndajin tjín tsa kjoáyotjao kʼaa je rebista La Atalaya xi kui faʼaitʼa. Nga̱ tsa kuikjoán skónanginá jngo chjota kʼianga ʼmiyasoán kʼoa tsa je xi tiʼmiyalee Biblia, koaan si̱kájnalee je rebista xi kui tínchja̱ni, kʼoa tsa koa̱nndosinle koaan kʼuínyakjoanlee jotso. Kʼoa tsa tsín kijnaná je rebista xi kui tínchja̱ni jme xi skónanginá, koaan ya sʼiaan descargar ya jw.org.
3. Jósʼin síchjén kʼa je ndsʼee nga tsoyale chjota je kjoaʼmiya xi “Conversaciones con un testigo de Jehová” tso.
3 Kʼoa jósʼin ni̱chjén nga kʼuínyalee je chjota. Tjínkʼa ndsʼee xi je bʼéxkiale chjota ya jñani je testigo nchja̱, kʼoa jé chjota síkʼéxkia ya jñani nchja̱ je xi tsín testigo. Kʼianga kui jebi nichjén nga ʼmiyalee chjota josʼin makjainná nʼio ndasʼin bichótsjoá, nga̱ ngisa nda chobanajmiá kao je chjota (Deut. 32:2).
4. Jósʼin koasenkaoná je kjoaʼmiya jebi.
4 Nʼio nda machjénná nga chotʼayá kʼoa kʼianga ʼmiyaa. Kʼianga kʼoéxkiaa kjoaʼmiya jebi, kuenta sʼiaan josʼin síchjén testo je testigo xi ya faʼaitʼa, jme choa̱ xi batío kʼoa josʼin fákao je chjota. Kʼoa kʼoénelee yaoná nga kʼoatisʼin kʼuínyaa tsanda ñá kʼianga ʼmiyasoán (Prov. 1:5; 9:9). Jngo tichjaa xi i̱ tso: “Kʼianga bʼexkiaa kjoaʼmiya jebi, joxi ñaki kuikjoánni ʼyaa josʼín jngo precursor xi nʼio male josʼin tsoya Énle Niná kʼoa xi nʼio male josʼin fákao chjota”.
5. Jósʼin si̱chjén kjoaʼmiya jebi nga kuinyakoaa je xi ʼmiyalee Biblia josʼin kuitsoyason.
5 Je kjoaʼmiya jebi kʼoati basenkaoná nga binyakoaa je xi ʼmiyalee Biblia nga katamale josʼin kuitsoyason. Koaan ñatje̱n kʼoéxkiaa kao je, kʼoa je katabʼéxkia jñani nchja̱ je xi testigo. Kui xi koasenkao nga kʼoati koa̱nle ngasin nganda kuitsoyale xi kjaʼaí jme xi jekjimajinle (Col. 4:6). Alikui jao tjínná nga kʼoati je Jeobá títsjoáná jebi ánni nga nda kuitjosonsíniná je xá xi títsjoáná (2 Tim. 4:5).