Josʼin koa̱n kʼuínyasoán

Jósʼin koa̱n sʼe̱tsʼiakao estudio kʼianga xoto nga tífitsʼia sá mayo

“Kui tichjakaonajmínijin je xíngiaa tʼatsʼe jmeni xi kjonangi ibi. [Takolai je kjoachjonangi xi títjon faʼaitʼa ya jto̱n yátsʼi̱n je Xo̱n xi Bájinkonná xi tsʼe 1 sá mayo.] Jósʼin nikjaʼaitsjain ji.” Tʼaiʼndelai chjota nga katanchja̱. Xijekoa̱n, tʼinyalai jotso je párrafole kjoachjonangi jebi kʼoa tʼexkialai ninga tojngo testo xi ya nroatʼa. Tjayolai je rebista kʼoa kʼoatʼinlai nga kʼuínchon ijngokʼalai nga chótʼayao kjoachjonangi xi majaoni.

Xo̱n xi Bájinkonná 1 sá mayo

“I tinixatʼa ngotjuijin je xíngiaa nga̱ nʼio nkjín xi mandosinle jme xi koa̱n nichxin xi nroaján. Kʼianga kui nikjaʼaitsjain tʼatsʼe nichxin xi sʼa nroa, a tsjoa sʼeli axo nikjaojinní. [Tʼaiʼndelai chjota nga katanchja̱. Kʼoa xijekoa̱n, tʼexkia jngolai je testo xi faʼaitʼa jñani tso: “Jmeni xi tso Niná tʼatsʼe nichxin xi nroaján”.] Rebista jebi kui bakóya jotso Niná tʼatsʼe nichxin xi nroaján kʼoa kʼoati bakóya ánni nga koa̱n koa̱nkjainsíniná nga kuitjoson.”

¡Despertad! Mayo

“Nichxin xi tiyoaa ndʼaibi saʼnda tjochʼinle je chjota nga toxkia nʼio síkjaojin. A ngisa nʼio síkjaojin ndʼaibi je chjota tikʼoajinni nichxin xi jaʼato, jósi ngái ji. [Tʼaiʼndelai chjota nga katanchja̱.] Nʼio nkjín chjota xi tjíobasenkao je kjoafaʼaitsjen xi faʼaitʼa Biblia nga tsín tinʼio síkjaojinni, jolani je xi tso ya Mateo 6:34 [tʼexkiai]. Rebista jebi ño koya síkʼaxki̱ jña nroani nga nʼio nikjaojiaan kʼoa bakóya jósʼin koasenkaoná je kjoafaʼaitsjen xi faʼaitʼa Biblia.”

Nota: Rebista jebi tochale ngisa koa̱nndosinle je chjota xi negosio tjínle.