Josʼin koa̱n kʼuínyasoán

ʼYáni xi kuitsoyaná jmeni xi nʼio chjonangilee yaoná

Tʼailai kʼoa takolai je chjota joʼmi je tratado, kʼoa xijekoa̱n i̱ tʼinlai: “Jngo xo̱n tifayolaijin xíngiaa xi nʼio chjíle jme xi tínchja̱ni. Xo̱n jebi tíbʼabí jngo tjíjtsa Sonʼnde. Sikájnale jebi”.

Tsa si̱kájnai je tratado ya jña tsín naile niʼya, koaan ya si̱kájnai ya jñani tsín ʼya chjota xi kjaʼaí skoe̱ kʼoa ali nʼiojin faxkóyai.

Tsa koa̱nndosinle chjota je tratado kʼoa tsa meleje̱ nga kuinchja̱najmísa, koaan chjónangilai jósʼin síkjaʼaitsjen tʼatsʼe jme xi kjonangi jña sʼa fitsʼiani je tratado. Takolai je tratado jñani tjítʼa Salmo 119:144, 160. Kʼoati tʼinlai nga faʼaitʼa jngo dirección xi tsʼe Internet jñani ma bitjasʼeen xi koasenkao nga skoe̱ jotso Biblia tʼatsʼe jmeni xi kjonangile yaole. Tsakui nichxin koa̱n koakolai je video xi Ánni nga machjénsíni nga chótʼayai Biblia ʼmi, kʼoa nga tojo sʼa tichjakaonajmí takolai nga jan kjoachjonangi xi faʼaitʼa ya jto̱n yátsʼi̱n tratado kʼoa chjónangilai jñánile xi ngisa mandosinle. Kʼoatʼinlai nga kʼuínchon ijngokʼalai nga kʼuínyalai josʼin sichjén jw.org nga koa̱nsjaile jmeni xi tso je Biblia tʼatsʼe jebi. Kʼoa nga jekuicho ijngokʼai nga chótʼayajion je kjoachjonangi xi faʼaitʼa je tratado ya tijnyísjaijion ya jñani XO̱N KAO GRABACIÓN > LIBRO KAO FOYETO tso.

Xo̱n xi Bájinkonná 1 sá agosto

Kʼianga xoto kao nga taingo, kʼianga skénndiaa koaan i̱sí nga si̱káyui je Xo̱n xi Bájinkonná: “Kʼoati matsjoana nga sikatíole je rebista xi tsʼe sá jebi, xi kui nchja̱ni tʼatsʼe jebi: A mandosinle Niná xi tʼatsi”.

¡Despertad! Agosto

Kʼianga xoto kao nga taingo, kʼianga skénndiaa koaan i̱sí nga si̱káyui je rebista ¡Despertad!: “Kʼoati matsjoana nga sikatíole je rebista xi tsʼe sá jebi, xi kui nchja̱ni tʼatsʼe jósʼin cho̱bandañá kao xíngiaa tsa jme kjoa sʼená”.