Xo̱n xi basenkaoná nga jme xi fasjaiyaa tʼatsʼe Biblia

Miyón mani je ndsʼee xi kui síchjén je Índice de las publicaciones Watch Tower kʼianga kotʼaya. Tonga nga nʼio tse jmeni xi faʼaitʼa, kuinga tochoa én bitjoni. Tonga je Xo̱n xi síchjén je testigole Jeobá nga jme xi básjaiya jela 170 én tíbitjo. Kʼoa me ngayeje xo̱n xi síkʼaxki̱ xi kʼia kitjo tjen nó 2000. Je Xo̱n xi básjaiya alikui tíbitjo nga xo̱n jotjín mani je én xi tíbitjo je Índice, tonga faʼaitʼa ya Watchtower Library kao ya BIBLIOTECA xi tíjnaná ya Internet. Je Xo̱n xi básjaiya nʼio nda koa̱nchjénná kʼianga ya kjoásjaiyaa jmeni xi chjonangiaa xi tʼatsʼe Biblia, tsa jmeni xi mená jchaa, nga kuiyondakoaa jmeni xi faʼa ya kjoajtínná kʼoa tsakuije̱ jme xi chotʼayajtían ya niʼyaná.