Kuinyakaongañá xíngiaa nga kui xá xi ndatjín kʼoasʼiaan

Hebreos 10:24 kʼoatsoná nga “si̱kjaʼaitsjenjinnía xíngiaa nga jngójngoá, nga si̱nʼiojiaan xíngiaa, nga sʼe̱ná kjoatjaocha, kʼoa nga kʼoasʼiaan xá xi nda”. Kʼoasʼin kʼoainganʼionilee xíngiaa nga skoe̱ jonʼia kʼoa josʼin bakoá kjoamakjainná. Kʼoéyanajmílee je ndsʼee je kjoanda xi tísokóná nga ʼmiyasoán. Katabe nga tsjoa tjín tokoán nga tinixálee Jeobá. Tonga alikui xíngiaa si̱ngósonkoaa josʼin tjíosíxále Niná kʼoa nijejinla yaoná si̱ngósonkoaa kao xi kjaʼaí (Gál. 6:4). Kʼoénelee yaoná nga si̱nʼiojiaan xíngiaa nga “sʼe̱ná kjoatjaocha, kʼoa nga kʼoasʼiaan xá xi nda”, nga tsín tsakuijin nga chʼao sa̱tío kjoafaʼaitsjenle xíngiaa. (Chótsenlai je libro Benefíciese pájina 158 párrafo 4). Tsa si̱nʼiojiaan xíngiaa nga sʼe̱le kjoatjaocha, likuijin ñʼai koa̱nle nga kʼoasʼin xá xi ndatjín, jolani nga kuinyakao xi ngikʼa tsa jme xi machjénle kʼoa nga koakoyason (2 Cor. 1:24).