Je Job ñaki kixi koan ninga tse kjoa jaʼatojin

Je Job yaa tsakʼejna ya naxinandá Uz kʼianga choʼnda sʼin tjío je chjota israelita ya Egipto. Ninga tsín israelita kitjenni je Job, jé Jeobá tsakʼétsʼoale. Nkjínya koanni ya yaniʼyale kʼoa nyiná koan. Nʼio nda tsaʼyale ya ʼndele, tsabe je chjota nga chjine koan kʼoa nga chjotakixi koan. Xi ijngosani, kitsjoale tsojmi je xi ma̱ tjío kʼoa je xi koanchjénle. Je Job ñaki kixi koan.

Je Job tsakakó kʼianga je xi ngisa títjon tíjna jéní Jeobá

1:8-11, 22; 2:2-5

• Je Na̱i tsabe kʼianga ñaki chjotakixi koan je Job. Ali tsakuijin xi kitso nga tsín tísítjosonle Niná, tosa kui xi kitso nga tsín tokjoatjao nga tísítjoson.

• Je Na̱i kʼoakitso kʼianga totjín xi tísʼínnile je Job nga Niná tísíxále.

• Kʼianga jchale jmeni én xi kitso je Na̱i, kitsjoaʼnde je Jeobá nga tsakʼétʼale je Job, kʼoa je Na̱i nʼio tse kjoa kichokaone je Job.

• Kʼianga kixi kitʼale Niná je Job, sakui kʼoakitsongá je Na̱i nga tsín tokjoatjao nga kixi ma je chjota.

• Je Job alikui chʼaosʼin kisikʼaxki̱ je Niná nijejinla tsakánele jée jmeni xi koantʼain.