BIBLIOTECA Watchtower

mwb16 abril p. 3
Si̱nʼiojiaan xíngiaa kao én xi naskánatso

Tʼatsʼe chjotale Cristo kao Xále Niná: Xo̱n xi tjítʼa jme xi chotʼayá ya kjoajtín (2016)

mwb16 abril p. 3

ÉN XI NʼIO CHJÍLE XI NYA BIBLIA | JOB 16-20

Si̱nʼiojiaan xíngiaa kao én xi naskánatso

Tjínnele si̱nʼioá kon xíngiaa kʼianga kjoafaʼaitsjen bʼailee

16:4, 5

Je Job nʼio tse kjoaba kao kjoaʼaon tsakʼejnajin. Nganʼio koanchjénle kʼoa tjínnele kininʼio kon.
Nijngojinla nga jan chjota xi kichonrʼoe xi koan kisinʼio kon je Job. Tosa nʼio tse kjoaba kisikʼéjnajin jmeni xi kitsole.

Kʼianga toxkia tsakjákao Bildad je Job kui xokisikao nga nʼio kisikjáojinni

19:2, 25

Je Job kʼoakitsole Niná nga tsín tosi tonda kjoañʼai katafaʼá, nga tosa katabiya.
Je Job koankjainle nga sʼe̱ kjoafaʼáya kʼoa tosi tonda kixi koan.

Elifaz tífákao je Job kʼoa to tjíokotseen je Bildad kao Zofar

ʼYÁ CHJOTANI XI ÉN TSAKÁNE JE JOB

Elifaz

Tsakui nichxin ya Temán tsʼe xi nchja̱ni Edom. Ya Jeremías 49:7 kʼoatso nga nʼio kisʼe kjoachjine ya Temán, kʼoa yaa kiskotʼaya chjota edomita.
Tsakui nichxin je xi ngisa jchínga kʼoa xi ngisa ngʼakon koan. Jé Elifaz títjon kinchja̱. Jan kjoanokjoaya kitsjoa kʼoa jé xi ngisa tse kinchja̱.

Jmé én xi tsakáne

Chʼaosʼin kisikʼaxki̱ Job nga kixi kjima kʼoa kʼoati kitso nga je Niná likui sínʼiotʼa je choʼndale (Job 4, 5).
Kʼoakitso nga je Job nʼio ngʼakon kʼoa nʼio tsʼen koan kʼoa alikui bexkón je Niná (Job 15).
Kʼoati kitso nga je Job nʼio xkaiʼa koan kʼoa nga tsín kixi. Kʼoakitso nga je Niná alikui josʼin machjénle je chjotasonʼnde (Job 22).

Bildad

Yaa kitjenni ntje̱le Súah. Tsakui nichxin ya tsakʼejna ya ndai xo̱ngá Éufrates.
Jé koanjaoni nga kinchja̱. Ngisa choa kinchja̱ tonga jé xi ngisa nʼio ai kinchja̱ tikʼoajinni Elifaz.

Jmé én xi tsakáne

Kʼoakitso nga tsakajngijée je xtile Job kʼoa kuinga kjoaxkón kichoneni. Kʼoa nga tsín títsokjónke Niná je Job (Job 8).
Kʼoakitso nga je Job nʼio tsʼen koan (Job 18).
Kʼoakitso nga tsín jme chjíle nga kixi mangíntʼalee Niná (Job 25).

Zofar

Chjota naamatita koan, tsakui nichxin ya tsakʼejna ya Arabia.
Jé xi koanjanni nga kinchja̱ kʼoa jé xi ngisa nʼio tsakjákao je Job. To jao kʼa kinchja̱.

Jmé én xi tsakáne

Kʼoakitso nga tsín jme chjíle én xi nchja̱ je Job kʼoa kʼoakitsole nga tsín tikatabajngijéeni (Job 11).
Kʼoakitso nga tsʼen Job kʼoa nga toya tjen tsjoale nga sokójéele (Job 20).