Nga tochoa tsojmi sʼená basenkaoná nga ngisa chʼasjengʼaa Niná

Nichxin xi tiyoaa ndʼaibi, nʼio nkjín koya jmeni xi nʼio tse nichxin fáʼaná. Tse nichxin machjénle nga jme xi bindaa, bʼechjía, nichjén, nisinlee tsojmi xi tjíoná kʼoa nga nikuindaa. Je Jesús tokoanjngoni kon josʼin tsakʼejna, ánsíni nga tsínkui tsojmi xi tjín Sonʼnde kjoaʼanile nichxinle nga sʼin xále Niná (Mt 8:20).

Kʼoa ji, a koaan nga ngisa choa tsojmi katasʼeli ánni nga ngisa tse si̱xásínilai Niná. Kʼiatsa nda kʼoéndajin josʼiain kʼoa josʼin tijnai tochale ʼnda koa̱n precursor sʼin sixá tsaʼyani ya familiali. Kʼoa ninga jekʼoasʼin tinixái, a tseen mali nga jekui tsojmi xi tjín Sonʼnde jetíbatéchjoali. Kʼiatsa choa tsojmi sʼe̱li ngisa tsjoa sʼe̱ tokuin nga si̱xálai je Jeobá (1Ti 6:7-9).

Tʼetʼai jmeni xi sʼiain nga tochoa tsojmi katasʼeli.