Josʼin si̱káyoaa xo̱n xi koa̱nxákao

XO̱N XI BÁJINKONNÁ

Kjoachjonangi: Nga tʼatsʼe Niná jaʼaini je Biblia, a tsínkʼia jchangi ninga nʼio tse kjoa kjoaʼatojin.

Testo: Isa 40:8

Xo̱n xi koa̱nxákao: Je kjoaʼmiya xi nroatʼa rebista jebi kui tsoya nga tsín tíchangi je Biblia ninga tse kjoa tífaʼatojin.

XO̱N XI BÁJINKONNÁ (jto̱n yátsʼi̱n)

Kjoachjonangi: Jósʼin nikjaʼaitsjenngái ji jmeni xi kjonangi ibi [tʼexkialai kjoachjonangi xi títjon faʼaitʼa ya pájina 32]. Tjínkʼa xi kʼoasʼin makjainle nga to chjota kisikʼatsen je relijión. Kʼoati tjínkʼa xi kʼoatso kʼianga kui síchjén je Niná kʼianga katamachriantʼale chjota. Jósingái ji.

Testo: Snt 1:27

Xo̱n xi koa̱nxákao: Kjoaʼmiya jebi bakóyasa jmesani xi tso Biblia. Kʼiala kjoaʼaikonngánile kʼoa kʼia xínya kʼale jmeni xi bakóya kjoaʼmiya jebi.

ÉNNDA CHJOTSE XI TʼATSʼE NINÁ TÍNROANI

Kjoachjonangi: Kʼianga bʼéxkia chjota je én xi tongini kinokjoa xi faʼaitʼa Biblia tokʼoasʼin bekon joni tsa periódiko tjíobʼéxkia. Tojosí tso én jebi a kʼoachon sonʼnde ndʼaibi.

Testo: 2Ti 3:1-5

Xo̱n xi koa̱nxákao: Foyeto jebi kui bakóya nga tosa énnda chjotse sʼin bekon je xi tsjoake je Niná ninga kʼoalani chon sonʼnde [takoyalai je kjoachjonangi 2 xi tsʼe kjoaʼmiya 1].

TʼETʼAI JÓSÍ NGA SI̱KÁJNAI JE XO̱N

Tʼetʼai josí nga si̱kájnai je xo̱n xi koa̱nxákao nga tʼintjenngi je choa̱ xi faʼaitʼa ibi.