Jngo chjoón xi én tsotsil nchja̱ tísakóyale Énle Niná ya Chiapas (Mexico).
Josʼin si̱káyoaa xo̱n xi koa̱nxákao
XO̱N XI BÁJINKONNÁ
Kjoachjonangi: Jósingái ji, jóxótse chon ya ngʼajmi.
Testo: Jn 8:23
Xo̱n xi koa̱nxákao: Je kjoaʼmiya xi nroatʼa rebista jebi kui tsoya jmeni xi kitso Jesús kʼoa kao Nʼaile xi tʼatsʼe ngʼajmi.
SI̱CHJÉN BIBLIA NGA KʼUÍNYAA
Kjoachjonangi: Jósingái ji, a tíbitjoson jmeni xi tso én jebi.
Testo: 2Ti 3:1-5
Jotjínni: Kʼiatsa jetíbitjoson ndʼaibi jmeni xi tso én jebi, koaan kʼoakʼoé tokoán nga kʼoati kuitjoson jmeni xi tso je Biblia xi tʼatsʼe nga nda kuiyoaa nichxin xi sʼa nroa (bh p. 23-25 párr. 13-17).
ÁNNI NGA MACHJÉNSÍNI NGA CHÓTʼAYÁ JE BIBLIA (video)
Jokuixoán: Matsjoana nga koako ngotjole jngo video xi kui bakóya ʼyáni xi kuitsoyaná jmeni xi nʼio chjonangilee yaoná [takui je video].
Xo̱n xi koa̱nxákao: Libro jebi kui bakóya jmeni xi tso je Biblia josʼin kʼoendajin Chjotaxále Niná je kjoa xi tjín i̱ Sonʼnde [si̱kájnalee chjota je libro Jmé kjoanni xi bakóya je Biblia].
TʼETʼAI JÓSÍ NGA SI̱KÁJNAI JE XO̱N
Tʼetʼai josí nga si̱kájnai je xo̱n xi koa̱nxákao nga tʼintjenngi je choa̱ xi faʼaitʼa ibi.