“Jeobá, ji tisinʼiotʼale”

Nʼio machjén nga si̱nʼiotʼaa je Jeobá kʼianga nda tijnaa kʼoa nga kjoa bitjatojiaan (Sl 25:1, 2). Kʼianga siglo 8 nga kjesa chʼajin nó 1, je chjota judío xi tsakatio ya Judá jngo kjoa xi nʼio ñʼai tjínle jaʼatojin. Kʼoa yaa tsakakó tsa ñaki tjíosínʼiotʼa je Jeobá. Kʼoa nʼio tse xi bakóyaná jmeni xi koantʼain (Ro 15:4). Kʼianga jechótsenlai je video “Jeobá, ji tisinʼiotʼale”, chótʼayajin kjoachjonangi jebi:

1. Jmé kjoa xi nʼio ñʼai tjínle jaʼatojin je Ezequías.

2. Jósʼin kitjenngi je Ezequías kjoafaʼaitsjen xi faʼaitʼa ya Proverbios 22:3 kʼianga tongini tsakʼejnanda nga chjota kuichokationdai ya naxinandá.

3. Je Ezequías, ánni nga tsín tokisijyosínile je chjota asirio kʼoa nga tsín ya tsakájtasíni naxinandá Egipto.

4. Ánni nga nʼio nda choa̱ bʼéjnasínile Ezequías je chjotale Cristo.

5. Nichxin xi tiyoaa ndʼaibi, jmé kjoani xi bitjatojiaan xi kotʼayakaoná tsa tininʼiotʼaa je Jeobá.

Tʼetʼai kʼiáni nga ngisasa machjén nga si̱nʼiotʼai je Jeobá.