Je Niná tsjoakená kʼoa mandosinle xi tʼatsaan

1. JÉ XOSʼÍN NGA BITJO JE TSʼUÍ

Jósingái ji jókoa̱nchon tsa tsínlani je Tsʼuí. Kui basenkao je yá nga bʼéjtsʼén xka̱le, nga nroale naxó, nga bale to kao na̱xi̱n. Kʼoa kʼoati je Tsʼuí basenkao je yá nga ma bʼéʼndó nandá je ja̱ma̱le, kʼoa bichó nandá saʼnda jña tjío xka̱le.

2. JÉ XOSʼÍN NGA BʼA JTSÍ

Nga bʼa jtsí jngoo kjoatjao xi tsʼe Niná. Kui basenkaoná nga sʼená tsojmi xi ma chinee. Jé Niná xosʼín nga bʼa jtsí, nga majchá tsojmintje kʼoa nga sʼená tsojmi xi ma chinee kʼoa kui jebi xi tsjoa bʼé tokoán.

3. JÉ TSJOÁNÁ TSOJMI XI MA CHINE KAO NAJÑO XI CHʼAKJÁ

Nkjín xijchá xi kui síkjáojin josʼin so̱kole tsojmi xi ski̱ne je familiale kao najño xi kʼoakjá. Je Énle Niná itso: “Chótsenlao nise xi fitjen jinsén, nibʼéntjejin jno̱, nibʼéxkójin, nibinyájin ya ningʼa. Kʼoa je Nʼaino xi tíjna ngʼajmi, tsjoále xi kjine. Kʼoa jon ngisasa chjíno kaoni tsa je” (Mateo 6:25, 26).

“Chótsenlao naxójñá, josʼin majchá. [...] Tonga an xinno, nda tsa [je rey] Salomón, kao ngayije kjoajeyale, likui tsakʼakjáni najño xi kʼoakjoan jo kjoan naxóbe. Kʼoa tsa Niná kʼoasʼin síkʼakjá je xka̱jñá xi tjío ndʼaibi, [...] a tsí sikʼakjáno jon” (Mateo 6:28-30).

Tsa tsjoáná Niná je tsojmi xi ma chine kao najño xi chʼakjá, kʼoati koa̱nle tsjoáná jmesani xi machjénná. Kʼianga kui kʼoanʼia jmeni xi mele Niná, síchikontʼainná nga sokóná je tsojmi xi chinee kʼoa tsakuije̱ nga so̱koxáná nga koa̱n kuindá jmeni xi machjénná (Mateo 6:32, 33).

Nga nikjaʼaitsjenjiaan nga je Niná síkitjo Tsʼuí, síkʼa jtsí, nga tjín nise kao naxó kui xosíkaoná nga tsjoacha mañá Niná. Kʼoa ya kjoaʼmiya xi ijngo kui jchaa josʼin fákaoná je Niná.