Jósʼin nga nda chótʼayá Biblia

A meli nga kixi koai̱n joni Daniel kʼianga kjoa kuitjátojin. Daniel nʼio nda kiskotʼaya je Énle Niná, nda tsakásjaiya én xi tongini kinokjoa (Da 9:2). Jósʼin koasenkaoli nga nda chótʼayai je Biblia nga kixi koai̱n. Koasenkaoli nga ngisa nʼio sʼe̱jna kjoamakjainli nga kuitjoson jme xi tso Jeobá (Jos 23:14). Kʼoati koasenkaoli nga ngisa tsjoacha koai̱n je Niná, kʼoa kui xosikaoli nga kui kʼoasʼiain xi ndatjín (Sl 97:10). Jmé xi machjén nga títjon sʼiain. Kuentala tʼiain jme xi jchaa.

• Jmé xi tjínnele skotʼaya. Kʼianga nda chótʼayai, kʼoati machjén nga kuijnandalai je kjoajtín xi satíoná. Ngisaa tse xi koa̱njinli tsa kuijnatsʼinyai xi tsín ni̱to̱n majinli xi faʼaitʼa jñani maxkia Biblia nga xki̱ xomana. Tjínkʼa xi kui kotʼayajin én xi tongini kinokjoa xi faʼaitʼa Biblia, jmeni xi male tsjoáná nganʼiotsje, jñani ki nga kitsoyason Pablo kʼoa jme xi kisinda Jeobá. Tsa jmeni xi tsín majinli jme xi faʼaitʼa Biblia tʼetʼaxuin kʼoa skan chótʼayajin.

• Jñáni koa̱nsjaina xi machjénna. Tsjoá kʼali kjoafaʼaitsjen je video xi ʼmi Jme xi koasenkaoná nga koa̱nsjainá je xi nʼio chjíle. Chótʼayajin ʼyá xi tínchja̱ni nga jngó jngó je cho̱ xi síkʼaxki̱ ya kapítulo 7 xi tsʼe Daniel.

• Jókji tse machjén nga skotʼaya. Xi koasenkaoná nga nda kuiyoaa kao Niná kuinga kjitʼa chótʼayá. Tsa ñʼai maná, koaan tochoa choa chótʼayá nga tosʼa títjon kʼoa xijekoa̱n sa tse sa tse chótʼayá. Nga chotʼayá je Énle Niná yaa mangósonkao joni tsa tibiʼnyia nga tifasjee tao̱nchjí: nga jekoa̱nsjainá sa nanga sa nangajin kuiʼnyiá (Pr 2:3-6). Sa chjí sa chjí jchaa je Énle Niná tsa kjitʼa chótʼayá, kʼoa chan koa̱nnganá nga kʼoasʼiaan (1Pe 2:2).

ʼYÁ XI TÍNCHJA̱NI JE CHO̱ XI SÍKʼAXKI̱ YA KAPÍTULO 7 XI TSʼE DANIEL

• 

  Da 7:4

• 

  Da 7:5

• 

  Da 7:6

• 

  Da 7:7

IJNGOSA KJOACHJONANGI:

Jósʼin kitjoson én xi tso ya Daniel 7:8, 24.

XI KOA̱N KʼIA CHÓTʼAYAJIN:

ʼYá xi tínchja̱ni je cho̱ xi síkʼaxki̱ ya kapítulo 13 xi tsʼe Apocalipsis.