Ali tsa tjínjin xi nʼianilai nga ʼmitjenngilai je Jesús

6:9-11, 25-27, 54, 66-69

Je Jesús tsakakó nga kisʼele je nganʼiole Niná kʼianga kisinkjínya je nioxtila kao jti̱ nga kisikjen je chjota xi kitjenngile. Tonga xi koannyaonni, kʼianga kui kitsoyale je chjotatjenngile jmeni xi tsín koanjinle, tjínkʼa xi tsín kisasenle kʼoa likui tikitjennginile. Tokui xi koanmele nga je Jesús tsjoále jmeni xi koanchjénle.

Chjónangilai yaoli: “Ánni nga chjotale Jesús maña. A tokui xi sʼinnile je kjoanichikontʼain xi tjínna ndʼaibi kʼoa kao xi sʼe̱na nichxin xi nroaján, axo kuinga tsjoake̱ je Jeobá kʼoa nga kui xi mena kʼoasʼian jmeni xi sasénle”.

Tochajinle likui tije Jeobá si̱xánilee tsa tokui kʼoanʼiañá nga:

• nʼio sasénná je kjoamiyo xi tjínná kao je ndsʼee.

• mená ya kuiyoaa ya sonʼndenaxó.