Jósʼin koa̱n jchañá jokjoan je Niná

Jmeni xi koannda kui bakóná jokjoan je Niná, tobʼelañá, kʼianga chotsenlee jngo naxó xi naskákji, kʼianga sʼejnaxjaoxjao je niño ya ngʼá kʼoa tsa kʼianga noʼyá jokji nʼio fane jña tíxijten je nandá (Ro 1:20). Tsa chʼa̱sjeʼaa nichxin nga si̱kjaʼaitsjenjiaan jmeni xi koannda, koa̱njinná nga je Niná tjínle nganʼio, kjoatsjoacha, kjoachjine, kjoatéxomakixi kʼoa nga nda chjota (Sl 104:24).

Nyaon nyaon ʼyaa jmeni xi kisinda je Jeobá, ninga ciudad tiyoaa ʼyañá je nise kʼoa tsa yá. Kʼianga kuenta nʼia jebi basenkaoná nga tsín nʼio nikjáojiaan, nga tsín nʼio nikjaʼaitsjenjiaan je kjoa xi tjínná kʼoa sa nʼio sa nʼio sʼejna je kjoamakjainná nga je Jeobá sikuindaná ngantsjai (Mt 6:25-32). Kʼiatsa ʼndíxti tjínli, tisenkoai nga katabe jokjoan je Jeobá. Kʼianga chjí ʼyatokoán jmeni xi kisinda je Jeobá ngisaa machriantʼalee (Sl 8:3, 4).

KʼIANGA JECHÓTSENLAI JE VIDEO JOSʼIN KISINDA NINÁ NGAYEJE JMENI XI TJÍN KUI BAKÓ KJOAJEYALE: JE LʼÍ KAO COLOR, CHÓTʼAYAJIN KJOACHJONANGI JEBI:

• Ánni nga ma nkjín color ʼyañá.

• Ánni nga bʼantjaiyajin kʼani je color josʼin nga chotsenlee.

• Ánni nga sakʼoa bʼantjaiyani josʼin matsen ngʼá.

• Jmé color xi nʼio naskánasʼin matsen ʼyai ya chrian ndʼiali.

• Ánni nga machjénsíni nga chʼa̱sjeʼaa nichxin kʼianga chótsenlee jmeni xi koannda.