Tongini kuiyondaa kʼianga kjoaʼaítsjenya je Kjoabiyale Cristo

Fitsʼiakjoanni nó jebi, ngisaa sʼe̱ná nichxin nga kuiyondalee nga kjoaʼaítsjenya je Kjoabiyale Cristo. Tsa kʼia kʼoakaole kjoaʼaítsjenya je Kjoabiyale Cristo kʼianga jinle xomana, alikui sʼe̱jnaná je kjoajtín Tʼatsʼe chjotale Cristo kao Xále Niná, kʼoa tsa kʼia kʼoakaole nga tífe xomana, alikui sʼe̱jnaná je kjoajtín xi tʼatsʼe kjoanokjoaya kʼoa kao Xo̱n xi Bájinkonná. Nga tsín sa̱tíoná kjoajtín jebi, koaan ndasʼin si̱chjén je nichxinná kʼianga tongini kuiyondaa tojo kisʼin je chjotale Cristo xi tsakatio nga siglo 1 (Lu 22:7-13; km 3/15 1). Xi ijngosani, machjén nga si̱kʼéjnandaa je ni̱ma̱ná. Jósʼiaan.

• Si̱kjaʼaitsjenjiaan jokji kjoandosin tjínle kʼianga koanngían kjoajtín jebi (1Co 11:23-26).

• Kʼoétsʼoalee je Jeobá kʼoa si̱kjaʼaitsjenjiaan josʼin tiyoaa xi kao je (1Co 11:27-29; 2Co 13:5).

• Kʼoéxkiajiaan je Biblia kʼoa kao je xo̱n xi kui nchja̱ni tʼatsʼe Kjoabiyale Cristo kʼoa si̱kjaʼaitsjenjinkaoñá (Jn 3:16; 15:13).

Tjínkʼa publicador xi bʼéxkia kʼoa síkjaʼaitsjenjin je texto xi maxkia nga faʼaitsjenya je Kjoabiyale Cristo kʼoa kui fitjenngi josʼin faʼaitʼa je folleto Nyaon nyaon chótʼayajiaan je Biblia. Kʼoa tjínkʼa xi kui fitjenngi je recuadro xi faʼaitʼa i̱bi, kʼoa tsa maije̱ kui kotʼayajin je Xo̱n xi Bájinkonná xi kui nchja̱ni tʼatsʼe Kjoabiyale Cristo kʼoa tʼatsʼe kjoatsjoacha xi tsakakóná je Jeobá kao Jesús. Tojñanile xi chjoéjin, koasenkaoli nga ngisasa koa̱nchriantʼalai je Jeobá kʼoa kao Jesús.