Alikui koa̱n nga énndiso cha̱nibasoán

Nichxin xi tiyoaa ndʼaibi, je chjota sasa sʼejinnile jmeni xi ma tobʼelañá, nga bʼéxkia periódico, nga nrʼoéle radio, nga kotsenle televisión kao Internet. Ñá xi choʼndale Niná maa alikui koa̱n nga énndiso cha̱nibasoán, ninga tsín toxá sʼianñá (Éx 23:1; Sl 31:5). Jmeni xi ʼmilee xíngiaa nʼio síkiʼaonná. Si̱kjaʼaitsjenjiaan jebi, tsa ñaki kʼoatjín jmeni xi sʼejinná.

• A ñaki kʼoatjín jmeni xi tso xi bʼéyanajmí. Je chjota xi kabʼeyanajmí tsa jmeni tsakui nichxin tsínni be jokjoantjínni kjoa. Kʼianga kjaʼaí xi bʼeyanajmílee xi sʼejinná jebʼantjaiya. Kuinga chósonnilee jmeni xi bixoán kʼiatsa tsín nda tjínjinná jokjoantjínni kjoa. Je xi xá kjinele ya jinjtín machjén nga ñaki kʼoatjín jmeni xi kuitso kʼoa nga tsínkui kʼoeyanajmí tsa jmeni xi tokasʼejinle.

• A chʼaosʼin kʼoaxki̱. Kʼiatsa jaon, alikui koa̱n nga jme xi kʼoéyanajmiá (Pr 18:8; Flp 4:8).

• A ñaki kʼoatjín. Si̱kuindalee yaoná tsa jme xi sʼejinná.

KʼIANGA JECHÓTSENLAI JE VIDEO ALI ÉNNDISOJIN CHANIBASUIN, CHÓTʼAYAJIN KJOACHJONANGI JEBI:

• 

  Tojo tso Proverbios 12:18, jókji síkiʼaon chjota jmeni xi bixoán.

• 

  Tojo tso Filipenses 2:4, jósʼin basenkaoná nga tongini chósonnilee jmeni xi bʼeyanajmílee xi ngikʼa.

• 

  Jmé xi sʼiaan tsa jetísíkʼatone choa̱le jmeni xi tíbʼéyanajmí tsa ʼyani.

• 

  Jmé xi chjónangilee yaoná tongini nga kjesa chjota nikʼaxki̱jián.