Si̱kʼayaa nichxinná kʼoa kʼoainganʼioá

Tojo kitso je profeta Isaías, je naxinandále Jeobá tosi tonda kjimankjínya (Is 54:2). Kuinga ngisa nkjín Ndʼia jña chotʼayá, Ndʼia jña satío kjoajtíntse kʼoa kao sucursal machjénsíni. Kʼianga jesʼenda ndʼia jebi tjínnele nga koa̱ntsje kʼoa nga jefi nichxin tjínkʼa xi sʼendayanda ijngokʼa. Nga kʼoasʼin sʼe xá, maa nikʼayaa nichxinná kao nganʼioná nga je Jeobá bʼailee.

• Koaan kʼoainganʼioá kao je ndsʼee xi ñatjen bʼakaoná nga matsje Ndʼia jña chotʼayá.

• Koaan sa̱kóyaná josʼin masinle Ndʼia jña chotʼayá.

• Koaan kʼoéndaa je Solicitud de voluntario local de diseño y construcción (DC-50) nga kʼoainganʼioá jñani sʼenda kʼoa sʼendayanda je ndʼia jña ʼyaxkón Niná.

• Koaan kʼoéndaa je Solicitud para el programa de voluntarios (A-19) nga kʼoainganʼioá tsa jngo xomana kʼoa tsa tsesa ya Betel kʼoa tsa jñasani nga sʼenda ndʼia jña ʼyaxkón Niná.

KʼIANGA JECHÓTSENLAI JE VIDEO JE NDʼIA XI SʼA SʼE̱NDA CHJOTSE (VIDEO XI TOCHOA TÍJNA), CHÓTʼAYAJIN KJOACHJONANGI JEBI:

• Jósʼin kjimankjín je video xi nichjén saʼnda tjen nó 2014.

• Kʼianga ngisasa nkjín video kuitjo, jméni xi sʼa sʼe̱nda chjotse, kʼoa kʼiáni koa̱njngo.

• Jósʼin koa̱n tsjoánganʼio je ndsʼee nga sʼe̱nda ndʼia jebi.

• Tsa mená kʼoainganʼioá je xá xi koa̱n ya Rámapo, ánni machjénni nga kui solicitud DC-50 kʼoéndaa kʼoa nga LDC si̱xákoaa.

• Jómani ʼyaa nga je Jeobá tíbándiaa josʼin koa̱nxákao xá jebi.

• Jósʼin kʼoainganʼioá kʼiatsa tsín kʼoakoa̱nná nga ya kuichonixá nga sʼe̱nda ndʼia jebi.