A jé Jeobá xi ngisa miyoli ma

Je Jeobá kixi, ndʼé, kʼoa nda chjota kʼoa kui xi mená nga kʼoakjoan miyo xi katasʼená (Éx 34:6; Hch 14:17). Je Jeobá nrʼoéná kʼianga bʼetsʼoalee kʼoa basenkaoná kʼianga nganʼio machjénná (Sl 18:19, 35). Kʼoa kʼoati síchatʼaná jñani tsín nda nʼia (1Jn 1:9). Jé Jeobá miyo xi ngisasa nda xi koa̱n sʼe̱ná.

Jósʼiain nga miyoli koa̱n je Jeobá. Kʼiaa nga kʼoéxkiai je Biblia kʼoa nga je si̱nʼiotʼai (Sl 62:8; 142:2). Takui nga kʼoati chjí ʼyatokuin jmeni xi chjí bekon je Jeobá, jolani je ʼNdíle, Chjotaxále, kʼoa kao jmeni xi sʼin nichxin xi nroaján. Tinókjoakaoni xi tʼatsʼe Jeobá je chjota (Dt 32:3). Kʼiatsa miyoli koa̱n je Jeobá, alikuikʼia tsjiónkonli (Sl 73:25, 26, 28).

KʼIANGA JECHÓTSENLAI JE VIDEO XTI: “CHÓTʼAO KʼOA KATAʼYAO NGA NDA CHJOTA JE JEOBÁ”, CHÓTʼAYAJIN KJOACHJONANGI JEBI:

• 

  Jókoa̱n sʼiain nga kʼoaitʼalai yaoli Jeobá kʼoa nga kʼuínsʼenngindái.

• 

  Jósʼin kuinyakaoli je ndsʼee xi tjío ya jinjtín nga ngisa nda si̱xálai Jeobá.

• 

  Jósʼin koasenkaoli nga kʼuínyasuin nga ngisa koa̱nmiyosai je Jeobá.

• 

  Jmésa xi koa̱n sʼiain nga ngisasa tse si̱xálai Jeobá.

• Jméni xi ngisa tsjoachai xi tʼatsʼe Jeobá.