Josʼin sa̱kóyason sá noviembre nga kuinókjoañá xi tʼatsʼe Chjotaxále Niná

Je Jesús kui je “énnda xi tʼatsʼe kjoatéxomale Niná” kitsoyason kʼoa kʼoakitsole je chjota nga katasíjé Chjotaxá jebi (Lu 4:43; Mt 6:9, 10). Nga sá noviembre kui tʼatsʼe Chjotaxále Niná kʼuínyasoán (Mt 24:14). Koaan kʼoéndajiaan jokji tjen kʼoakoa̱nná ngatsʼiaa nga kʼoainganʼioá nga sa̱kóyason. Je xi precursor auxiliar sʼin mele sixá nga kui sá, koaan 30 kʼoa tsa 50 hora sixá.

Kʼianga kʼuínyasuin, jngo textole Biblia tʼexkialai chjota xi kui tínchja̱ni tʼatsʼe Chjotaxále Niná. Kʼianga kʼoéxkiai je texto, kuenta tʼiain josʼin makjainle je chjota ya ʼnde jña ʼmiyasuin. Tsa koa̱nndosinle je chjota kʼianga tosʼa chja̱kaonajmí títjuin, tajna jngolai je Xo̱n xi Bájinkonná número 2, 2020. Tʼinchón ndi̱to̱n ijngokʼalai je chjota kʼoa tʼinyalai Biblia kao xo̱n xi nichjén nga ʼmiyaa. Jetochoasa chale nga kjoaʼaxin Chjotaxále Niná je chjotaxá sonʼnde (Da 2:44; 1Co 15:24, 25). Kuinga machjénni nga kʼoainganʼioá josʼin sa̱kóyason nga sá noviembre, nga koakolee Jeobá nga kixi mangíntʼalee kao Chjotaxále.