A jetibakoa nga mena kjuísʼe̱nngindá
JONʼIA XI CHJOTALE CRISTO MAA
Je Jeobá tixálai
A je ʼmiyasuin ninga kje ʼmisʼenngindájin axo tosʼa tichotʼayai je Biblia. A nikjaʼaitsjenní nga meli kʼuínsʼenngindái. Ánni machjénni nga kʼuínsʼenngindái. Kuinga miyoná mani je Jeobá kʼianga bʼaitʼalee yaoná kʼoa nga mangínsʼenngindá kʼoa nga kuichotjenngiaa je kjoabitjontjai (Sl 91:1; 1Pe 3:21). Jmé xi tjínnená sʼiaan nga koa̱n kʼoaitʼalee yaoná je Niná kʼoa kjuinsʼenngindá.
Tʼejngui tokui nga ñaki kixi jmeni xi tichotʼayai. Tsa jao sʼe tokuin, tjasjaiyai (Ro 12:2). Kʼiatsa tjín jmeni xi si̱kʼantjaiyajin josʼin ʼmikoai yaoli, ñaki kʼoatʼai tokuin nga kui xi meli nga je Jeobá kjoáyatsjoai kon (Pr 27:11; Ef 4:23, 24). Je Jeobá tijélai nganʼio kʼoa je koasenkaoli nga tsjoáli nganʼiotsjele (1Pe 5:10, 11). Nʼio chjíle nga kʼoasʼiain, nga̱ nʼio ndatjín nga je Jeobá nixálee (Sl 16:11).
KʼIANGA JECHÓTSENLAI JE VIDEO NGA MANGÍNSʼENNGINDÁ, CHÓTʼAYAJIN KJOACHJONANGI JEBI:
Jmé kjoa xi faʼatojin kʼa nga kjesa fisʼenngindájin.
Jméni xi koa̱n sʼiain nga sʼe̱li kjoamakjain kʼoa nga koa̱n kʼoaitʼalai yaoli je Jeobá.
Jmé xi binyakao je xi fisʼenngindá.
Jósʼin síchikontʼain Jeobá xi je síxále.
Jósʼin tíjna nga bʼaitʼalee yaoná Niná kʼoa nga mangínsʼenngindá.