Toxá sʼendajinni josʼin sakóyason

Tojo kisʼin Jeobá nga kisikatíojtín je naxinandá Israel, kʼoatisʼin tísíkatíojtín je choʼndale ndʼaibi nga kʼoasʼin josʼin mele. Tobʼelañá, je sucursal, je circuito kʼoa kao je grupo xi tsʼe servicio xi tjío jngo tjíjtsa Sonʼnde toxá bʼéndajinni nga sakóyason je Énle Niná kʼoa kʼoati sakóyale je chjota xi kjaʼaí én male (Ap 14:6, 7).

A sakʼoaa nikjaʼaitsjenjin tsa meli koa̱nli xi kjaʼaí én nga kʼuínyalai chjota je Énle Niná kao én xi male. Kʼiatsa tsín maʼali nga chotʼayai xi kjaʼaí én, tsakui nichxin koa̱nmeli nga koa̱nli jokʼuínlai je chjota nga tosʼa kuichochonlai kao je én xi male, koaan kui si̱chjain je aplicación JW Language. Kʼianga chja̱kaonajmíni Énle Niná kao je én xi male chjota kʼoati kji tsjoa sʼe̱ tokuin jokisatio kon je ndsʼee xi tsakatio nga siglo 1 nga kitsoyale Énle Niná je chjota xi xin naxinandále (Hch 2:7-11).

KʼIANGA JECHÓTSENLAI JE VIDEO MIYOLE JEOBÁ KATAMAI: TʼINYAI NGA KJAʼAÍ ÉN, CHÓTʼAYAJIN KJOACHJONANGI JEBI:

• 

  Kʼiáni koa̱n si̱chjén je aplicación JW Language.

• 

  Jmé xi faʼaitʼa aplicación jebi.

• 

  Jñánile je én xi male je chjota ya jñani ʼmiyasoán.

• Jósʼiaan kʼiatsa koa̱nndosinle Énle Niná je chjota xi kjaʼaí én male xi tsaojiaan kʼianga ʼmiyasoán (od-S 100 párr. 39-41).