Koakolee kjoatsjoacha xi tjío yaniʼyaná

Je familia jtín sʼin batio nga tsjoake xínkjín. Tonga tsa tsín kʼoasʼin ñʼaijin koa̱nle josʼin koatiokao xínkjín. Jókoa̱n sʼin je xi xʼin, xi chjoón kʼoa kao xi xijchá ma nga koako kjoatsjoacha.

Je xi xʼin kuenta sʼín jmeni xi machjénle je chjoónle, jotjín kon kʼoa josʼin síkjaʼaitsjen (Ef 5:28, 29). Kʼoati je kjinele bajngiʼa familiale kʼoa tsoyale xi tʼatsʼe Niná nroani, jolani nga kotʼayajtín ya yaniʼyale (1Ti 5:8). Je xi chjoón nangi bʼejnale xʼinle kʼoa bakóle kjoaxkóntokon (Ef 5:22, 33; 1Pe 3:1-6). Síchatʼangañále xínkjín (Ef 4:32). Je xi xijchá ma síkuinda je xtile kʼoa bakóyale xi tʼatsʼe Jeobá (Dt 6:6, 7; Ef 6:4). Jmé kjoa xi faʼatojin je xti ya ndʼiaskuela. Jósʼín nga chókjoajinle nga jme xi sʼenele. Tsa bakóle kjoatsjoacha xínkjín xi tjío ya yaniʼya nda sa̱tío kon ngatsʼi.

KʼIANGA JECHÓTSENLAI JE VIDEO KOAKOLEE KJOATSJOACHA XI TJÍO YANIʼYANÁ, CHÓTʼAYAJIN KJOACHJONANGI JEBI:

• 

  Jósʼin bakó xi xʼin nga tsjoake je chjoónle.

• 

  Jósʼin bakó je chjoón nga bexkón je xʼinle.

• 

  Jósʼin bakóyale xi xijchá ma je ʼndíxtile xi tʼatsʼe Niná.