Jo na̱ná sʼin jchatokoán je yánchjín xi jejchínga kʼoa jo tichjaa sʼin jchatokoán je yánchjínxti

Je Biblia kʼoatso nga jo xijcháná sʼin jchatokoán je ndsʼee xi jekoanjchínga kʼoa nga jo ndsʼee sʼin jchatokoán je xi sʼa xti (tʼexkiai 1 Timoteo 5:1, 2). Kʼoa ngisaa je xi xʼin, nʼio machjén nga katabexkón je tichjaa.

Je ndsʼee alikui koa̱n nga si sikao jngo tichjaa kʼoa tsa chʼao kʼoe kon (Job 31:1). Kʼoa jngo ndsʼee xi sʼa tíjna toje alikui koa̱n nga kjoafaʼaitsjenle jngo tichjaa xi sʼa tíjna toje sikiʼaon kʼiatsa tsínni kʼoatjín kon nga je kjimatsjoake.

Je xi chjotajchínga sʼin tjío, tjínnele nga ngasin nganda kjuinrʼoele je tichjaa kʼiatsa jme xi skónangi kʼoa tsa jme nganʼio xi machjénle. Kʼoa ndsʼee jebi kʼoati kuenta sʼín je tichjaa xi tsín ʼya xi tjínle xi binyakao (Rut 2:8, 9).

KʼIANGA JECHÓTSENLAI JE VIDEO KOAKOLEE KJOATSJOACHA JE XI TJÍO YA JINJTÍN: JE ʼNDÍYÁNCHJÍNKʼAN KʼOA KAO ʼNDÍXTIJCHʼA̱N, CHÓTʼAYAJIN KJOACHJONANGI JEBI:

• 

  Jósʼin tsakasenkao je ndsʼee xi tjío ya jinjtín je tichjaa Myint.

• 

  Jósʼin tsakinyakao je chjotandaindʼiale tichjaa nga tsakakó kjoatsjoacha je ndsʼee.

• 

  Jósʼin tsakinyakao je xtiyánchjínle tichjaa Myint nga kʼoasʼin kitsʼainganʼiole.

Jósʼin koa̱n kuisenkoai je tichjaa xi tjío ya jinjtín