Bʼailee kjoanda Jeobá nga bakó kjoatsjoacha

Je chjotale Cristo xi Tesalónica tsʼe tsakakóle kjoatsjoacha je ndsʼe̱ ningalani kʼoati tse kjoa jaʼatojin tsanda je (2Te 1:3, 4). Nichxin xi tiyoaa ndʼaibi, nga naxinandále Jeobá tiyojiaan kʼoatisʼin bakolee kjoatsjoacha je ndsʼee xi tjío jngo tjíjtsa Sonʼnde. Xi faʼaitʼa ya jw.org jñani “Jósʼin kjimachjén je tao̱n xi maña” tso, yaa tsoya nga je tao̱n xi bʼao jotjín nroajin ni̱ma̱no nʼio tjíobinyakao je ndsʼee nga ñʼai chon nichxin xi tiyoaa ndʼaibi. Bʼailee kjoanda xíngiaa nga tibako kjoatsjoacha kʼoa nga tjotʼao jme xi tjínno.

KʼIANGA JECHÓTSENLAI JE VIDEO BʼAILAIJIN “KJOANDA NGANTSJAI NINÁ XI TʼATSAON”, CHÓTʼAYAJIN KJOACHJONANGI JEBI:

• Jósʼin kjimachjén je tao̱n xi batioá.

• Jmé xi koa̱n sʼiaan nga ngisa nda kuinyakoaa je ndsʼee kao tao̱nná (kʼoati tʼexkiai jñani tso “Je xi ngisa tjín choale binyakao je xi tsínle” ya jw.org).